Video
Read full review
2023-02-10
1347 views
星期六同屋企人去咗九龍灣MegaBox行宜家傢俬，我哋入完貨之後就食埋晚餐先走。商場有好多餐廳，佢哋平日少食西餐🍽，加上我之前食過「豬門店The Salted Pig」，覺得質素唔錯，所以就揀呢度啦。餐廳面積非常大，座位眾多，就算Walk-in都應該有位。呢度環境闊落，適合一大班人聚位👨👩👧👦。另一邊廂，店員服務態度友善，主動關心客人需要。Piggy Riblets香脆豬肋骨($128)，🍖原排豬肋骨食得多，不過呢款就比較似排骨，呈粒狀，幾得意。豬肋骨炸至脆卜卜，肉質唔嚡亦算易離骨，並以香辣粉調味，食落可口。同時，跟配嘅楓糖醬甜得嚟帶少少酒香，配排骨食好搭調🍁。Chicken Parmigiana脆焗火腿芝士雞胸扒、蕃茄醬、水牛芝士、車打芝士、薯條($195)，由於食咗豬肋骨，所以主菜就無揀豬，要咗雞🐔。雖然菜式定價稍高，不過份量超多，雞扒直頭大過我塊面咁濟😳。雞胸扒無骨，大大啖肉、肉質細嫩，外層蘸上一層薄薄粉漿，拎去焗製至微脆；而🍅蕃茄醬同🧀拉絲水牛芝士就能進一步提升滋味，感覺又無咁熱氣。我差啲唔記得咗菜式仲有意大利風乾火腿，超豐富呢。墊底嘅伴菜亦同樣出色，🍟即炸薯條勁正，每條
星期六同屋企人去咗九龍灣MegaBox行宜家傢俬，我哋入完貨之後就食埋晚餐先走。商場有好多餐廳，佢哋平日少食西餐🍽，加上我之前食過「豬門店The Salted Pig」，覺得質素唔錯，所以就揀呢度啦。
餐廳面積非常大，座位眾多，就算Walk-in都應該有位。呢度環境闊落，適合一大班人聚位👨👩👧👦。另一邊廂，店員服務態度友善，主動關心客人需要。
Piggy Riblets
$128
25 views
0 likes
0 comments
Chicken Parmigiana
$195
28 views
0 likes
0 comments
Chicken Parmigiana脆焗火腿芝士雞胸扒、蕃茄醬、水牛芝士、車打芝士、薯條($195)，由於食咗豬肋骨，所以主菜就無揀豬，要咗雞🐔。雖然菜式定價稍高，不過份量超多，雞扒直頭大過我塊面咁濟😳。雞胸扒無骨，大大啖肉、肉質細嫩，外層蘸上一層薄薄粉漿，拎去焗製至微脆；而🍅蕃茄醬同🧀拉絲水牛芝士就能進一步提升滋味，感覺又無咁熱氣。我差啲唔記得咗菜式仲有意大利風乾火腿，超豐富呢。墊底嘅伴菜亦同樣出色，🍟即炸薯條勁正，每條都炸得好均勻，外脆內軟，感覺有啲似扭扭薯圈，熱辣辣食冇得輸；如果唔食薯條亦可食沙律🥗。
Spaghetti Carbonara卡邦尼蛋汁煙肉意粉($168)，🍝意粉質素有水準，麵條富嚼勁，而且掛滿汁。醬汁口味正宗，因為唔係普通忌廉白汁，而真係用上蛋汁🍳同胡椒，口感比較濃稠。整體感覺難得唔算好漏，不過始終要記住趁熱食。配料用上厚煙肉粒🥓同芝士粉，鹹香突出。
Bacon-Sautéed Brussels Sprouts
$68
7 views
0 likes
0 comments
我哋星期六嚟幫襯就無乜折扣，不過平日都幾多早鳥優惠🌟。例如午市星期一至五12點9前；或星期二至五晚市7點前埋單離座，即可享7折優惠！而星期一就好似另外有主菜優惠。
總括嚟講，豬門店出品樣樣掂🐷，再加上份量同用料足，令我哋相當滿意。本身想食埋甜品，不過已經好飽，未有機會一嚐，下次會再Encore！
Post
