我愛慢煮 (普慶坊) (Closed)

今日下午約咗去朋友屋企敍一敍， 晚上就落咗朋友屋企附近嘅餐廳食埋飯先走。 在樓梯中間隱藏住呢間西餐廳， 唔刻意望下都可能會錯過！三個人叫咗炸番薯條、 法式豬鞍架、同埋豬仔骨。 個人應為豬鞍架係必食， 唔知關唔關慢煮事， 塊豬好juicy, 切開時好多汁， 唔韌， 勁好食！ 番薯條就配黑松露醬， 味道可以接受， 但唔配醬都好好味！豬仔骨就同出面西餐廳食到嘅差唔多， 不過不失。 最後， 仲叫咗兩個甜品share, 一個比利時waffle配雪糕同埋一個紅酒梨配雪糕。 waffle正常甜品嘅味道， 士多啤梨醬唔會太甜， 唔錯！ 紅酒梨個人口味就覺得麻麻， 因為本身唔鐘意紅酒， 但朋友就覺得好正， 仲話而家呢個時勢食呢種甜品對個喉嚨好好喎！ 最後， 以食物嘅質素配個價錢係好合理， 唔算貴， 淨係塊豬鞍架已經好值得再幫襯！