Pho 778 (Closed)

喺12點半午飯時間嚟咗灣仔人氣熱店 - Pho 778舖內只有二十個位到，慶幸當時人唔多，可以即時入座。由於我對牛肉一般，所以冇嗌到出名嘅越南河，反而叫咗一碗撈檬。燒豬頸肉撈檬 ($48)豬頸肉算大塊，大概有五六塊，燒得幾香嘅，調味亦唔會太鹹。撈檬嘅汁同豬頸肉好夾但係份量偏細，男士多數唔夠食，或需要加$15轉combo，會有小食一份同飲品。小食都唔算大份，加蝦餅只有兩小件。食量大嘅朋友可能要考慮大份量嘅湯河粉😂整體嚟講，係味道不俗嘅越南餐廳但要留意單叫未必夠飽。😂