Arte by Padaria (Moved) New Location

經過k11時見到呢間鋪頭既蛋糕幾靚，款式都幾多，買左2件同fd share。個人比玫瑰花吸引左，所以揀左2款玫瑰花既蛋糕。法式反烤蘋果杏仁撻 $70大大朵朱古力玫瑰花放系上面，貌相好精美，充滿浪漫色彩！不過玫瑰花比較硬身，要慢慢咬。撻底有少少脆，入面有好多蘋果粒，仲有啲mousse配搭。咖啡朱古力歌劇蛋糕 $65同樣有朱古力玫瑰花，不過就細朵啲。歌劇蛋糕一層層吾同口味，食落會覺得朱古力比咖啡味重，味道偏甜。另外佢仲有其他產品，有個幾得意既夾心球麵包，另外仲有大大塊曲奇餅！