貓粉 (Closed)

一入到去已經有一隻貓咪行過嚟 環境好好 裝修都係好正常唔會話好污糟 睇啲食評嘅時候仲以為店主好惡 但實際上唔係囉 店主不停同一個 客人傾緊關於貓咪嘅嘢 啲店員都好好人 我問店主嗰隻貓咪叫咩名佢都會同我講 走之前仲會講拜拜 而且入面好休閒 啲客人真係好鍾意貓咪 去嘅時候有八隻貓咪鎮店 佢哋真係好似一啲小員工咁樣好cute 唔單止啲貓咪好得意 嗰啲嘢食都好食 一個唔小心就沉迷咗喺入面想試下接觸貓咪嘅可以去睇下 搭個小巴就到好近 仲以為要搵好耐 企喺外面揮手 店主就已經即刻行出嚟睇完規則之後就可以入去 進出都要店主開門 費事啲貓咪走出去總括嚟講 真係一間好嘅店