貓粉 (Closed)

如果唔想做生意可以唔用留電話，只係打來問可唔可以booking，唔答我都算，態度真係好差，問咩都係好大聲咁重複，你去睇我地社交平台啦，問唔到兩句就cut線。就算係叫人睇社交平台都可以禮貌d同人講掛？真係唔知咁聽電話係為咗麼？未去已經完全無哂好印象……如果整日都係呢種態度對客人，唔怪得呢度關於態度概差評咁多。寫低係希望店家可以思考下做法，是否需要將想來概客人都拒之門外

一入到去店鋪感覺好細，只有6張枱，網上講話有2層，但上面放了貨只開下面，感覺好似小型茶餐廳，與網上講嘅舒適完全不乎！未坐低就收錢先，收左錢之後無service 過我地，要自己走出去攞住menu同佢落單。還有飲品沒有味，好難飲！店主冤枉小朋友欺負貓貓，明明小朋友玩得好斯文(有片)，只係興奮得仔嘩左一聲，同開心嘅笑聲（絕對不是喧嘩）但店主2，3次都好惡咁鬧同嚇小朋友，最後我哋仲被趕走！但一入門口就收左你錢先！則係咩意思？！最後小朋友嚇到好驚同埋不停咁喊，以後都不會再幫襯！

店員態度極差，恐嚇小朋友，特登趕走客人，飲品沒有味道，永遠不會再光顧！首先一打開門已經見到店舖好細，又話有兩層，上面擺貨物嘅，只開下面，同網上講嘅環境好舒適根本完全係兩回事，感覺好似入咗一間小型茶餐廳咁！之後我地除咗鞋但都未坐低跟住就話要先收錢，人頭收費$169一位(連一歲小朋友都要收錢)，放低餐牌就走咗去，之後完係無serve過，無問過我地食咩飲咩，係我自己行出去攞住個menu去同佢落單！感覺好似收完錢就唔理客人咁！重點我小朋友同隻貓玩，點知佢興奮得仔嘩左一聲，但一般嘅聲浪，絕對不是喧嘩，我兩個小朋友沒有在店舖內奔跑，亦沒有打貓貓和欺負貓貓，就係呢個時候，男店主用很差很惡的語氣，帶有恐嚇小朋友嘅成份，叫佢唔好再咁玩，如果唔係就收左佢手上支貓玩具，同唔比佢同貓貓玩，示意佢要離開！我老公同佢理論點解要恐嚇小朋友，佢哋唔認恐嚇同語氣態度好差，結果我地話走，之後佢哋唔認自己有問題之餘仲話唔做我哋生意趕我哋走，真係火都黎呀！！唔怪得一入門口凳都未坐就話要收錢啦，仲要野食都未上枱，就想趕我地走！ 店主感覺非愛貓之人，親眼見到貓貓被男店主單手鏈住貓貓條頸好惡咁鬧佢！但其實貓貓只係頑皮跳咗去門口放鞋

一入到去已經有一隻貓咪行過嚟 環境好好 裝修都係好正常唔會話好污糟 睇啲食評嘅時候仲以為店主好惡 但實際上唔係囉 店主不停同一個 客人傾緊關於貓咪嘅嘢 啲店員都好好人 我問店主嗰隻貓咪叫咩名佢都會同我講 走之前仲會講拜拜 而且入面好休閒 啲客人真係好鍾意貓咪 去嘅時候有八隻貓咪鎮店 佢哋真係好似一啲小員工咁樣好cute 唔單止啲貓咪好得意 嗰啲嘢食都好食 一個唔小心就沉迷咗喺入面想試下接觸貓咪嘅可以去睇下 搭個小巴就到好近 仲以為要搵好耐 企喺外面揮手 店主就已經即刻行出嚟睇完規則之後就可以入去 進出都要店主開門 費事啲貓咪走出去總括嚟講 真係一間好嘅店

趁男友生日，佢又好鍾意貓貓，所以專登帶佢去🥰入門前已見到不能自己亂開門，始終宜家貓貓晌地下呢層，可以理解～～之後入到去買咗貓零食俾貓貓們，一有嘢食就湧晒埋嚟勁可愛🤣，貓貓嘅狀態同毛質體態都話我知店主照顧得佢地好好～兩位店主超好傾🤣係咁科普我地貓貓知識，教餵藥又教我哋點樣幫佢地剪指甲，我覺得自己好對貓貓唔住，因為店主令佢地嚟示範🤣🤣🤣🤣🤣認證貓奴無誤，其實只要唔好嚇親貓貓，睇晒規則先入去，都唔係好難啫，覺得店主超nice好友善（實不相瞞，睇完之前一啲Comment搞到我以為店主真係好惡😓一啲都唔覺囉⋯）Btw，我覺得女店主整得好好食⋯個炸雞係勁Juicy，男友叫的烏冬都好食😋會再去～～～～🥰

之前係網上見到好多報道介紹呢間貓cafe，立即親復活節假期去試下。當日有小朋友同行，中午去到，一打開門，一位男店員衝出嚟，首先要求我哋閲讀門外細則，然後大力關門。感覺已經係被拒於門外。因為唔想令小朋友失望，詳閱細則後再打開門，一位女店員叫我哋坐低然後黑口黑面走開，感覺好似唔想做我哋生意。餐點等候時間亦好長。當日要求多一份餐具亦被女店員非常差既態度對待。這次感覺很難受，試過好多間貓cafe 係得呢一間唔想再去。

呢間cafe已經開咗一段時間，之前已經想帶2 個小朋友去，遲遲未有機會，今日終於一試。今日1行4人，1 大3 小，入鋪前要細閱守則，每人最低消費1杯飲品(大小都要收)。飲品一律$90,而其他set $158起。我哋叫咗1 個all day breakfast +靚靚(草莓奶昔) 同1個三文魚牛油果沙律+蝶豆花柚子蜜，Cappuccino同芒果紅茶。2 杯散叫飲品各跟咗1 件朱古力蛋糕仔(menu寫係pancake, 不過今日冇)all day breakfast既多士好特別，係丹麥多士整到窩夫咁，味道亦比我預期好，其他配料就普通貨色。三文魚牛油果沙律都不錯，沙律菜好新鮮，醬汁亦很配合，牛油果同三文魚份量亦不少。2 個set 都係$158 連飲品，食得晒叫set 抵好多，淨飲感覺好唔抵。如果真係好鍾意貓，屋企又唔養得，都可以黎一試。呢度同平時既貓貓cafe唔同，要食完嘢埋咗單就可以上樓上睇貓同貓貓玩，可以買d貓零食餵貓$30/包。如果你冇買嘢食d貓就唔係好痴你，有零食佢哋就會痴埋你度。樓上環境唔大，有6 隻貓貓，冇玩具提供，都係坐向度影吓相摸下佢哋。由於今日假期人比較多，我地玩咗半個鐘左

店員好唔友善，入到門口唔夠一分鐘就趕人扯，好似好唔想招呼任何客人，又唔會留低客人名/電話轉頭再番黎，係度趕客咁，服務態度極差🤬問題係入面客人一啲都唔多，但就係度趕人，完全唔知係咪做生意

比貓貓而吸引而黎(*´▽`*) 西貢呢間貓cafe好pink，分左2層，樓下係cafe區而樓上係貓貓區，感覺好舒服，食完野就可以上去同貓貓玩，品種我唔太識分，不過全部都好乖(*‘ v`*)我地食左午餐先黎，所以淨係叫左(大粒墨）抹茶鮮奶同tiramisu(^u^)，啲特飲名好得意，全部都係貓貓既名，#抹茶鮮奶 $52，中距中舉，唔算好重抹茶味，飲品會送貓貓曲奇，我哋無聊都幫佢加番啲眼兒口鼻(ﾉ>ω<)ﾉ #tiramisu $88，好大份，不過我中意食多cream啲(✪ω✪)［#呢排都係乖乖留係屋企吧☺️］ . 貓粉  地址：西貢普通道54號地下

自己屋企冇養貓，但係想俾仔仔多啲接觸小動物，見到西貢有呢間貓咖啡室，可以上2樓同貓貓近距離接觸，真係好開心。今日端午節，我哋12點3到去到，唔使等位就即刻入得，佢安排坐入少少嘅位，冇小童高椅及碗筷，後來發現原來坐近門口，可以望上去2樓，直接睇到貓貓嘅互動。餐廳嘅環境好靚，有好多貓貓嘅掛畫，設有最低消費，每人最少光顧一杯飲品，小朋友都需要。我哋叫咗兩個餐， 加1個小食，整體味道幾好。因為小朋友都要付費，所以叫咗個紫菜shake shake 薯條，份量都幾多，唔錯。Setlunch肉醬意粉味道一般。雞扒三文治，個雞扒好入味，中間仲有薯餅，個三文治好特別，好鬆軟好似食緊牛角包咁。上咗2樓，啲貓貓真係好得意，起碼有7-8隻，不過大部份都唔輕易抱到，就咁摸吓就可以，食完飯再上去嘅時候，大部份貓貓都瞓咗，值得推介，都會再去。

地下Cafe 入面除了西式菜另外亦有韓式菜式、炸雞外皮香脆、唔油膩、泡菜煎餅可以重返小小泡菜味會更好、炸洋蔥圈卡邦尼意粉份量剛好、二樓係我最終目的、大約有8-9 隻貓、貓咪健康乾淨，好可愛，被貓咪圍住既感覺真係好幸福，好滿足下次一定再去試埋其他餐點☺️

之前朋友介紹在西貢有一間貓貓cafe，食物也很不錯的。於是，趁著假期，就帶同小朋友來這兒用餐，順道探貓貓。這cafe平日是可預約的，假日人多就不能了，我地walk in 來到，本來沒檯的，但很幸運，有一台顧客特地讓座我們，先可以快快趣入座，點了3個餐，分別是牛肉三文治配炸蝦餅、香草白汁三文魚意粉、同埋廚師推介慢煮雞肉配意大利包，另點了3杯飲品+是日甜品—千層抹茶oreo蛋糕，每一款食物味道都很好，份量適中，價錢不算貴，埋單只是$400。吃飽了，便到cafe樓上貓貓作息的地方，有數隻英國白色短毛貓貓，5個月大，很好客，超可愛的，小朋友都捨不得離開。

小朋友超鐘意小動物，但家中未養得，假期就帶佢地去貓Cafe陪貓咪玩下小店位於西貢，樓下Cafe樓上陪貓玩，夠哂衛生，食飽清潔消毒乾淨就可以上樓陪貓玩啦！店內9隻貓，全都受過訓練，好乖好親人，小朋友去玩都唔成問題，但店主愛貓有列規矩，不能太嘈，嘈到貓貓就唔可以再陪貓玩啦～店內有提供bb chair，好適合帶bb去，講返食物先，肉醬意粉🍝不太juicy，不過不失，bb食都可以！芝士燒牛肉三文治配自家製薯片，真心好味！未試過去貓Cafe有呢個質素，薯片自家製感覺健康，就算比bb食都冇問題，三文治有驚喜，好足料，配搭健康好味，推介甜品點了雜錦雪糕多士盒，有三款雪糕味道揀，多士盒焗後好脆，好好味，配埋雪糕簡直是夏天恩物場內有最低消費，每人最小叫杯飲品，已可以陪貓貓玩足半天，好抵！平日還可以先book位～星期六日只可walk in，但都唔算等很久，假日嚟食下嘢輕鬆下，唔錯的選擇！

星期六晚上，我從九龍返回西貢，本來想光顧位於紅綠燈旁邊的舖位位置，以貓寵物為主題的餐廳食店「貓粉」，不過「貓粉」看似已經準備關門休息，於是我詢問店員，確定休息後決定翌日再上門光顧「貓粉」。結果到了星期日，我在「貓粉」外面等候差不多接近整日時間，結果「貓粉」整天都沒有開門營業。雖然我在星期日下午已經在鑽石山「荷里活廣場」，食完牛腩麵、小籠包，飲完豆漿才返回西貢。所以，即使我無法在星期日光顧「貓粉」，但是我又沒有感到非常失望，唯有等到翌日星期一下午，直至等候到「貓粉」開門營業的時候再講，星期日晚上在西貢其他快餐店，食簡單晚餐算數。到了星期一下午，終於都看到「貓粉」正式開門營業，我終於有寶貴機會，一窺「貓粉」裡面的蘆山真面目。不過，有時候知道了真相，也未嘗不是一件好事。例如「貓粉」雖然在餐牌裡面顯示有製作和提供，名稱叫做「雜果梳夫里班㦸」。所謂的「梳夫里班㦸」，大概應該就是指我平日在香港九市區食肆，經常都有機會食到的「梳乎厘班㦸」。怎料我一詢問「貓粉」裡面的店員，才發現「貓粉」始終還是製作不到，提供不到「雜果梳夫里班㦸」，我唯有無奈放棄「雜果梳夫里班㦸」，改選其他食品。製作不到西式「梳乎厘班

路過西貢，本想找個地方坐下喝個下午茶或一杯咖嘛。看到一間粉紅色的咖啡店，入去坐低，環境可以，點了份燒牛肉三文治配甜蕃薯。味道可以。咖啡點了Lattte 一般水準，不過不失，服務員態度很有禮貌。可以下次返頭再來吃其他食品😛😛😛😛