SHAKE!T

Open Now

Now Closed

貓貓杯蓋超可愛呀❤️上完堂梗係去飲返杯先返屋企啦🤞🏻🧋港式黑芝麻奶昔（+豆腐）奶昔打得非常幼細，入口綿密，加左豆腐好似食緊黑芝麻豆腐花，真係勁足料，甜度適中，非常美味。🥑澳洲牛油果奶昔（+開心果）牛油果奶昔質地好creamy，牛油果味香濃，仲有粒粒牛油果肉，加左開心果碎做toppings，飲落增添口感，🧇朱古力卡士達窩夫窩夫即叫即製，新鮮熱辣。窩夫食落蛋香味濃，外脆內軟，面層有多到滿瀉嘅混醬，食落有啲似金沙朱古力味，仲有啲脆脆嘅花生粒，整體嚟講呢個偏甜。🧇喜馬拉雅岩鹽焦糖窩夫窩夫淋上滿滿的焦糖糖漿和鬆脆嘅爆谷，非常吸晴。窩夫口感軟綿鬆化，加上濃郁的焦糖和微鹹的岩鹽調味，口感獨特，啱晒啲唔太食甜野嘅人。