Spasso Italian Bar & Restaurant

Open Now

Now Closed

預早一星期訂枱，連食都無得食。話說我訂咗晚餐，喺訂座當日下午，要強調，係訂座當日下午，餐廳取消咗我嘅預約。我即時打去問個究竟。接線生話因為當晚有wedding party，所以要取消我嘅預約。佢不斷強調自己已經用不同方法聯絡我，包括致電、留言同WhatsApp （然而佢WhatsApp錯電話號碼），係我無回覆佢。我有兩個問題。一，點解有wedding party要用晒全間餐廳佢都繼續畀人上網訂枱？佢聲稱呢個係佢控制唔到嘅問題喎。乜原來餐廳喺OpenRice 係連自己係咪滿座都控制唔到，咁出名嘅餐廳咪可以畀人繼續訂座？點解我未試過嘅？二，我當佢真係控制唔到，點解佢唔一早就取消我嘅訂枱，而係當日下午先取消？既然佢控制到是否取消預訂，佢應該一早就取消，咪唔駛打咁多次電話畀我囉。至於我點解唔聽電話又唔覆電話呢？因為呢個年頭電話騙案實在太多，喺過濾app無顯示係咩機構/公司打嚟嘅電話我都唔會接同覆。