九重鮮 (Closed)

叫咗個最平嘅釜山塔試試，初初擺落去嘅底層有啲水同漂浮物，因為知道會用倒汗水煮粥，所以請職員拎番走用熱水清潔吓先嚟到見到有7層有啲興奮，要由19度等到85先食得，都唔洗等好耐，期間職員嚟check溫度check咗成十次，好盡責XDD第一層有蟶子同蚌，都幾鮮甜，一人一隻之後嗰幾層每層蒸5分鐘就食得，初初以為會好趕，但原來好夠時間唔係好肯定個次序⋯⋯元貝個湯好鮮甜，肉質尚可蝦幾好食，每人有3隻，即刻覺得好似好多咁XDD蚌同青口⋯⋯有兩隻冇開口，青口好勁海水味偏䶢因為海鮮都唔係咩飽肚嘢，每款都得一兩隻，呢個時候有啲擔心會唔夠飽蠔都有蠔味花蛤，一人四隻，冇鮮味，好䶢，仲有少少沙鮑魚，冇乜味⋯⋯係咁多款之中最唔欣賞唔記得咗影一層係每人三粒螺同一嚿粟米，粟米好甜，好食最後用倒汗水煮成嘅粥，其實有少少唔衞生，因為見住啲水流過個蒸籠，而某一兩層睇到籠邊有啲迹，不過惟有當時運高啦⋯⋯食完晒海鮮真係未飽，不過粥煮出嚟都幾多，一人兩至三碗，食埋就OK，但係嗰種一下子飲好多水嘅漲，唔係真係好飽，自問食量唔細嘅人可以叫貴啲嘅餐會多少少嘢食，或者好似我哋咁去食甜品補充吓⋯⋯揀咗人參雞，撇除完全冇人參味，都幾好食，食