Video
Read full review
2018-01-20
1273 views
係一年裏面每一個人都會有唔同嘅日子去慶祝，其實慶祝不外乎係去旅行，去啲特別嘅地方，又或者係食嘢。當一個日子慶祝耐左嘅時候，去旅行，去啲特別嘅地方已經唔係首選，簡簡單單食一餐飯，反而別有一番味道。今日揀咗有得即炸即食天婦羅嘅一間日本餐廳，為嘅係為佢嘅天婦羅，但係估唔到除咗呢樣之外，佢其他嘅食物都非常之有創意。先付係呢一個茶葉海藻，食落去酸酸地非常之開胃，而且佢有少少黏嘅感覺，似啫喱，仲用冰鎮住，非常之清新。前菜有好幾款唔同嘅小食，我特別鍾意佢嘅柿餅，係日本嘅柿餅，食落去非常之甜，而且好煙韌。呢一個梅子湯我就覺得非常之經典，飲落去完全唔會覺得剩係得個酸字，佢係有淡淡的梅香，清新爽口，令人精神一振。刺身用上野生油甘，鰤魚同中拖羅。新鮮唔需要講，佢嘅特別反而係我想推薦嘅，同上不常食到的刺身類，有誠意。到咗主角，今日有三種唔同嘅天婦羅，特別要提嘅係天婦羅嘅首選炸蝦，原隻炸蝦即炸即食，非常之熱辣辣，而且連個頭都炸埋，食落非常香脆。合肴係講緊呢一個海鮮拼盤今日嘅就有長腳蟹腳，馬頭魚，貝類。個魚好特別，特別在拒連魚鱗都一齊炸，但係食落去就唔會有好腥嘅味道，反而好似食緊薄脆薯片。其實食到呢一個拉麵嗰陣時
今日揀咗有得即炸即食天婦羅嘅一間日本餐廳，為嘅係為佢嘅天婦羅，但係估唔到除咗呢樣之外，佢其他嘅食物都非常之有創意。
先付係呢一個茶葉海藻，食落去酸酸地非常之開胃，而且佢有少少黏嘅感覺，似啫喱，仲用冰鎮住，非常之清新。
前菜有好幾款唔同嘅小食，我特別鍾意佢嘅柿餅，係日本嘅柿餅，食落去非常之甜，而且好煙韌。
呢一個梅子湯我就覺得非常之經典，飲落去完全唔會覺得剩係得個酸字，佢係有淡淡的梅香，清新爽口，令人精神一振。
刺身用上野生油甘，鰤魚同中拖羅。新鮮唔需要講，佢嘅特別反而係我想推薦嘅，同上不常食到的刺身類，有誠意。
到咗主角，今日有三種唔同嘅天婦羅，特別要提嘅係天婦羅嘅首選炸蝦，原隻炸蝦即炸即食，非常之熱辣辣，而且連個頭都炸埋，食落非常香脆。
合肴係講緊呢一個海鮮拼盤今日嘅就有長腳蟹腳，馬頭魚，貝類。個魚好特別，特別在拒連魚鱗都一齊炸，但係食落去就唔會有好腥嘅味道，反而好似食緊薄脆薯片。
其實食到呢一個拉麵嗰陣時候我已經非常之飽，但係店員都話一定要試吓呢一個湯底，因為佢係用魚同埋雞，經過多個鐘頭熬製而成嘅。果然佢冇呃我，呢個湯唔似味精湯，飲落去個唇會有呢黏黏嘅感覺，質素非常之高。
最後就係佢呢一個甜品，千祈唔好睇小佢，拒係一個非常之甜嘅天婦羅炸番薯，而值得俾個讚佢嘅係佢利用威士忌嘅酒香起化學作用，令糖嘅甜度升高。
雖然一係我都唔係好鍾意食啲咁長時間嘅餐，但係今餐嘅時間我一啲都唔覺得長，因為每一個菜式都令我非常之有驚喜。
Post
