Samsen 泰麵

Open Now

Now Closed

喺google map 望望下見到呢間船麵賣相好似不俗，門口好多人排隊，仲貼住連續四年米芝蓮喎，咁就要試佢一試。講下個炸魚皮先，唔係即炸，係喺個盒度攞出嚟，好似你屋企啲零食咁，我就覺得ok.......啦，唔係咩特色到不得不試嘅嘢😅個泰式奶茶實在太太太太甜，好重練奶，同我以前飲過嘅相比好普通咋喎。然後係主角和牛船麵，首先個湯底有耳目一新嘅感覺，以為係沙嗲湯但好清甜，麵質富有韌性，除咗和牛片，入面仲有啲豬肉丸啊牛腩粒同通菜同炸豬皮，好足料㗎。我坐bar 枱睇到佢係全手切牛肉，都幾欣賞，始終手切風味係好啲嘅。最後叫咗個椰子雪糕，除咗甜味其實冇乜奶味同椰香，有啲失望，不過勝在夠大份。我覺得個船麵係值得一試嘅，as expected ，同埋好飽肚，其他嘢就可圏可點啦。