鰻工房

Open Now

Now Closed

知道朋友鐘意食鰻魚，上網睇左好幾間鰻魚專門店，呢間位置方便，約埋佢一齊去食！我地分別叫咗一款平啲同貴價因嘅鰻魚飯，睇吓到底有咩分別！生燒鰻魚丼，$188，第一次聽生燒鰻魚，佢有分白燒同汁燒，我揀咗白燒，即係只用鹽調味去燒，無加醬汁，食落去同平時醬汁燒嘅好唔同，幾有口感，魚肉幾爽彈，不過鰻魚嘅份量都幾少，呢個價錢都算貴。佢個飯有紫菜、雞蛋絲。另加$18轉套餐，套餐有溫泉蛋、鹹菜、鰻魚肝白貝湯同飲品。蒲燒鰻魚玉子丼，$98，正所謂一分錢一分貨，呢個平一半，絕對有原因，鰻魚同平時食開嘅分別不大，玉子幾大舊，但我覺得太老，而且飯入面無咩蒲燒汁，可能係因為生燒鰻魚太好食，對比比較大。