合時小廚 (Under Renovation)

2/5杏汁豬肺湯太淡，粒粒對我就無乜問題。蝦多士彈牙又脆，大大件，有少少油，正常水準。脆豆腐嘅粉漿好特別，但成碟都無味。小炒王好香，但好咸。茶燻雞都好香,雞就還好。過千層咕嚕肉得啖笑，咕嚕汁又唔好食，個肉卷鞋到不得了，又唔脆。條馬友先激氣，花雕味重到苦，條魚又霉又乾。豬扒飯啲芝士好似擦膠，豬扒肉厚但唔香，唔會鞋，個汁同茶記咁上下，蕃茄汁多到浸哂啲飯。煎蛋有豉油汁，但係豉油汁好黑但係無味的。豬扒飯最好食係隻蛋。