殷悅

Open Now

Now Closed

我間唔中都會同我daddy黎飲茶，雖然比起其他茶樓係貴少少，但物有所值。坐得舒服d,服務又好d，野食都好有質素。帶子腸粉：清清地幾好味，每條腸粉大約有4粒帶子，腸粉皮好滑，好正。熊貓芋蓉包：小朋友最愛，芋蓉夠香滑、濃濃嘅芋頭味，一流。鳳爪：同普通茶樓唔同，唔會食到成口一堆醬，但佢係將一隻雞腳切一半上，所以 其實份量係比出面細。海鮮炒烏冬：用鐵板上，上檯時仲熱到喳喳聲，個底有炒蛋墊住唔會令烏冬痴底，配料有北寄貝，蝦，青口，魷魚，唔係急凍海鮮黎，所以每樣野都唔會有雪味，但變相個北寄貝好硬魚翅餃：面頭都幾多魚翅但個餃就稍淡，好似冇咩調味咁。帶子燒賣：入面唔會有一大舊肥豬肉，但又唔會令到個燒賣好鞋，配上帶子又幾得意。黑松露餃：好香松露味，餃入面有蝦同菜，新式嘅點心，玩味夠。呢度係真係貴d，但每個侍應服務一流，另外佢有一隻叫人參烏龍茶係好香，係出面茶樓少見嘅，每次黎都會叫呢隻茶飲。