Video
Read full review
2010-10-18
747 views
之前和朋友說起這裡、大家也好想來一試、預想的日子無位、一推就要一個月後的昨晚才有時間及有位、真係幾誇張。因最少要食三千多元、不停找朋友去、最後找到十四人出席、多謝大家的比面、成功完成這個美滿的一餐。看見其他食客的食評、最後選擇了以下的食物。冬瓜盅 - 冬瓜好好味、軟硬度剛剛好、湯味道鮮甜、肉也嫩滑新鮮；第一味菜已這樣出色、更加期望之後的菜譜。炒桂花翅 - 翅當然係素翅、但口感真係幾似、唔想食真翅的人、相信會更加推薦這味菜譜；蛋炒得唔會太乾身、比之前食過某某間說自已幾好幾好味的食店、真係更加出色。小炒皇 - 和一般食店的唔同、魚片，西芹，百合，帶子...等、清清地也幾好。煎焗魚咀 - 微微帶腥、朋友k唔多喜歡、但其他朋友就食唔停口、但因比較漏、最後幾件、大家也只好留肚了。野雞卷配大良炒鮮奶 - 野雞卷細細粒、如再粒d就會偏漏、外皮很脆、真幾唔錯。豉油皇大蝦 - 蝦大大隻、但蝦膏唔多、味道本來應該幾好；但可惜部份蝦唔夠新鮮、唔夠彈口、微微偏淋。炸子雞 - 外皮唔夠脆、但肉味新鮮、真係雞有雞味；但侍應小姐說、它們的乳鴿比較上更出色、有機會一定要試試。蝦籽柚皮 - 柚皮好厚好大件、但想不到這樣
看見其他食客的食評、最後選擇了以下的食物。
冬瓜盅 - 冬瓜好好味、軟硬度剛剛好、湯味道鮮甜、肉也嫩滑新鮮；第一味菜已這樣出色、更加期望之後的菜譜。
炒桂花翅 - 翅當然係素翅、但口感真係幾似、唔想食真翅的人、相信會更加推薦這味菜譜；蛋炒得唔會太乾身、比之前食過某某間說自已幾好幾好味的食店、真係更加出色。
小炒皇 - 和一般食店的唔同、魚片，西芹，百合，帶子...等、清清地也幾好。
煎焗魚咀 - 微微帶腥、朋友k唔多喜歡、但其他朋友就食唔停口、但因比較漏、最後幾件、大家也只好留肚了。
野雞卷配大良炒鮮奶 - 野雞卷細細粒、如再粒d就會偏漏、外皮很脆、真幾唔錯。
豉油皇大蝦 - 蝦大大隻、但蝦膏唔多、味道本來應該幾好；但可惜部份蝦唔夠新鮮、唔夠彈口、微微偏淋。
炸子雞 - 外皮唔夠脆、但肉味新鮮、真係雞有雞味；但侍應小姐說、它們的乳鴿比較上更出色、有機會一定要試試。
蝦籽柚皮 - 柚皮好厚好大件、但想不到這樣淋、朋友說好像食薯溶一樣、非常出色；蝦籽唔係好大粒、但味道都唔錯、如可以用上一些更出色的蝦籽、相信會更加香及好食。
梅子鴨 - 初初打算不要的(因怕太多)、但可能有誤會、最後還是有這味菜、朋友也想一試、就決定繼續要；鴨肉味道鮮嫩、醬汁味也出色；芋頭好淋、雖然已經好飽、但還是食了半件、食唔落實在很可惜。
瑤柱豆苗 - 豆苗煮得微微熟了點、感覺有點點、有點失色。
生炒糯米飯 - 只看外表、還以為係楊州炒飯、但一食落口、就知道係糯米飯、很特別的感覺；炒得一粒粒很乾身、味道又好、不試一定是你的損失。
真係非常出色的食店、而且一晚只做幾客、沒有第二轉、不用趕時間慢慢食、開開心心又一晚、期望下次再聚餐！
Post
