Video
4-min walk from Exit C, Hong Kong MTR Station
continue reading
Telephone
25457910
Additional Information
私房菜形式，先訂座，後寫菜，最後享受美食。
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
老細請食飯，從來未食過順德菜，不過對我黎講有d重口味左，有d菜色偏鹹，但整體黎講都滿意既，有機會會再去食！生拆魚雲羹不會太稠或太稀，岩岩好好，魚雲新鮮亦無腥味，係第一道菜翡翠海皇酥一舊都好大舊，食完都有d飽飽地，幾好食豉油王煎蝦碌D蝦超級大隻同有大大啖蝦膏，脆口得黎十分入味，係可以成隻連殼吃。蝦肉新鮮彈牙，醬汁甜甜地，會不停想食。平時懶得剝蝦，都可以試下脆皮釀鯪魚完全係考師傅功力既一道菜！入面係釀左蝦米嘅鯪魚肉，仲配左個辣椒豉油，不過都幾辣！可以試咗原味，先再點辣椒豉油，完全唔同感覺蓮藕餅本身超級鍾意食蓮藕餅，而呢個超級脆口，一定要趁熱食！入面有臘味，從來未食過呢個味道小炒王見到菜心心眼，本身自己都好鍾意食，入邊咩都有，仲加咗魷魚帶子大蝦炒埋一齊！係高級版嘅小炒王，甜甜地，會令人不停想食！炸子雞雞皮油光發光而且炸到很薄，有部分部位都有厚厚的脂肪。雞肉很嫩滑，不過好鹹，要不停飲水自家製魚腐浸菜心又係一個我鐘意既菜式，菜心超級淋，魚腐超好食！順德月婆炒飯食到最後都飽飽地，炒得夠乾身而且好有鑊氣。蛋白杏仁茶最後甜品有蛋白杏仁茶，不過本身唔食杏仁就冇試到，所以連相都冇影到總括嚟講都算滿意！只係有部份菜式偏鹹，比較重口味！同埋呢度嘅服務超級好！讚
continue reading
順德拆魚羹做得好好，有魚香無魚鯹，當然亦無魚骨啦，佢D蔥吊起咗D魚肉嘅鮮味。翡翠海皇酥拼蝦醬骨就覺得比較一般D，翡翠海皇酥好大舊有少少飽肚，蝦醬骨就無乜蝦醬味。煎焗魚咀真係比魚咀你而唔係成個魚頭就咁上，欣賞佢夠講究，另外個咬開個面就見到師傅真功夫，入面好鮮嫩。子薑麵醬蒸魚雲新鮮好味，個子薑麵醬用黎配個魚雲真係好夾。梅子香芋碌鵝嘅鵝就肥咗少少，不過佢個梅子汁做得好好，令到呢個餸好開胃又唔會滯，最好食係下面墊底的芋頭，吸晒梅子汁同埋D鵝油，超好食，係成個餸嘅精髓所在。脆皮釀鯪魚真係一門功夫菜，呢度嘅師傅做得好好，由個樣到入面釀嘅加咗蝦米嘅鯪魚肉都好掂，不過記住要點佢個辣椒豉油，點咗真係會好食好多。玻璃皮乳鴿蝦子柚皮又係做得好好食，佢用咗柚青去做，清香得黎又無咁滯。自家製魚腐浸勝瓜個自家製魚腐好香蛋味，勝瓜去皮夠晒嫩。順德月婆炒飯炒得夠乾身，有鑊氣。蛋白杏仁茶做得好香，又唔會太甜，幾好。
continue reading
順德“拆魚羹”鮮甜美味魚湯清甜，魚肉嫩滑，手工菜。“炸乳鴿”時間掌握控制火喉恰到剛好，乳鴿嫩滑有肉汁，鼓油味都香、濃,唔會太咸。“豉油王大蝦”調味好,但不入味，蝦肉調味方面，可能時間上未能夠掌握，只是蝦殼有味，蝦肉未能反映出味道。小棠菜蝦餅有新鮮感，但唔覺好出色，蝦膠跟小菜唐菜混合黏合情度不夠。龍躉裙邊製作不錯，膠質很重，有魚鮮甜味。整體食物不錯，有家鄉風味。環境稍嫌燈光太暗，裝修有點舊，樓低太矮有點焗促。
continue reading
香港老牌食府順德聯誼總會個個都以為係只招待會員，各位朋友，粉絲們其實不是，人人都去得，更沒有加1,茶介,開瓶費,切餅費,絕對是食客的福音生拆魚雲羹同蛇羹一樣師傅刀工十分重要，這道菜師傅刀工絕對出色，又不會太稠或太稀、剛剛好，魚雲新鮮沒有腥味，「正」腿蓉蝦球伴野雞卷蝦球大粒爽口彈牙，10分鮮味，野雞卷咗酒一流，毫無破綻海皇翡翠鍋貼 有帶子粒菜粒蝦餃混合而成，揸得酥脆，每口都彈牙最重要是可以品嚐到帶子粒，口感豐富蝦子柚皮扣遼參從來不食西柚皮的我第一次品嚐，原來也不俗，煮得也不會太糊或太硬，恰到好處、唯一遼參感覺過於普通，鮑魚汁也不是特別出色，所以這道菜與其他相比只是合格煎魚嘴正式順德做法，香、新鮮、0 腥配啲陳年白蘭地溝普里，真係不得了，雖然質素仲未及澳門金運，但係已經非常幸福玻璃乳鴿用上15日大的BB乳鴿, 皮脆肉滑，多汁，如果有茅台陪襯更加不得了古法炆斑翅即劏幾十斤大海魚，新鮮沒有雪味，煮得10分入味，足料蔥爆鯊魚扣鯊魚扣等如鯊魚的胃，懷舊菜之餘也10分難找得到，個人應為必試自製魚腐上湯豆杯： 呢個可能係今晚最失望嘅，魚腐自製雖然10分有誠意，用上蛋白魚肉打出來，可惜10分淡而無味，有種食疏乎厘的感覺，上湯不夠味，這個可以下次不叫臘味糯米飯： 沒有好像坊間一樣加了大量醬油，真真正正做到淡而有臘味味，好食排骨蒸陳村粉陳村粉是師傅從佛山找人手工做，煙韌軟糯，排骨用上三叉骨，又不會過鹹，好味其他菜譬如咕嚕肉、薑汁撞奶、等到10分不俗個人認為這間店買的是食物真材實料、良心價錢、必定要試
continue reading
朋友邀約飯局，講明地道順德菜，唔食遲啲唔知有冇得食，講到咁點可以唔去試吓呢😂第一個上嘅喺順德拆魚羹，裡面材料好豐富，當你撈起一湯羹嘅時候，魚肉、香菇絲、瓜𢇁乜嘢都有，每啖一口都極其享受😋豉油王煎蝦碌隻隻都好大，廚師好細心將蝦一分為二，每人一頭一尾食嘅時候都方便好多，唔會太鹹味道剛好👍跟住落嚟係蝦子柚皮扒豆苗，個柚子皮真係燜得好出色，我敢講係我人生食過最好味嘅柚子皮，燜到好軟、好入味及入口即溶，豆苗亦好幼嫩，絕配😋我第一次食鍋貼小棠菜係喺番禺，當時已經好鍾意呢個餸，估唔到喺香港順德聯誼會都做得非常出色，一口咬落去外層非常鬆脆，裏面食到一粒粒剁碎咗嘅小棠菜，再加埋有啲魚肉蝦餃，非常有層次，總之兩個字講完「好味」砂煲魚頭我好鍾意食，但係煎焗魚嘴就第一次試，個魚嘴煎焗得好脆好惹味，用嚟送啤酒一流🍻釀鯪魚又係其中一個我非常鍾意食嘅順德菜，記得細個嘅時候我媽咪都經常做俾我哋食，平價魚但非常晒功夫，佢而家年紀大都冇眼力再做呢一個餸，所以喺外邊食飯如果有得點嘅我都會點嚟食。大家望張相相信都覺得好掂，乾身香口，個鯪魚肉釀埋啲蝦米芫荽非常野味梅子芋頭碌鵝又係做得好味，梅子味唔會好搶，微酸食落去唔會覺得個餸好肥膩，芋頭同鵝都燜得好諗好入味，冇嘢可以挑剔👍玻璃皮乳鴿，正如個名一樣，個皮好薄好鬆化，隻乳鴿真係燒得一流，食落去啲肉汁流晒出嚟，肉質鮮嫩冇比😗最後一個係生炒糯米飯，食糯米飯好多時都係好黏一嚿嚿，但呢度嘅糯米飯，炒到好似炒飯一樣可以一粒粒食到，臘腸潤腸臘肉當然唔少得，用佢黎做結尾，令到成餐飯非常完美，好有幸福感😄最後一個甜品係姜汁撞奶，呢個都好好食，不過我個人嫌佢薑汁唔夠多，但係都做得好滑好唔錯，可惜食得太快冇影相留念😅總括而言，今餐順德菜個人非常滿意，每個餸都做得好好，服務又好又冇加一服務費，一家人又或者同朋友聚會，呢度的確係唔錯嘅選擇。
continue reading