麥兆記(祖傳)廣州雲吞麵 (Closed)

星期六1:30三個人去鯉景灣朝聖，特登試下呢間名牌雲吞麵店，果然係貴，但貴得有道理，也貴得值得。細蓉細細碗，女仔啱啱好，一人叫一碗，細蓉有雲吞4粒，size係平時細一半，一啖一粒剛好，蝦肉新鮮彈牙爽口，豬肉有肉香有咬口沒有肉腥味吾嚡口也沒有肥膩感，蝦肉與豬肉比例約是2:1，食落感覺健康多了，廣東雲吞皮夠薄，正宗皮薄餡靚。麵條一點皂水味也沒有，非常彈牙好咬口，似竹昇麵。湯底清甜，灑上韮黃，絕對好飲，冇味精，吾口渴。$4O比一般雲吞麵略貴，但貴得物超所值。比多幾元，有益健康過食快餐。叫個豬腰大家齊分享，豬腰爽口完全沒有腥味，加埋西生菜蔥花小小熟油，膽固純與生菜剛好來個抵消平行，舌頭的層次感變得豐富，味道也互惠提昇。