Video
Read full review
2008-02-17
4 views
路經此地，兩口子撐檯腳食餐晏。見到檯檯都叫小籠包，以為好正，於是叫番籠。誰知來到一睇，個個都穿底，Ｄ湯俾塊墊底菜葉索晒！對住四個扁塌塌「小籠貼」，都唔之好嬲定好笑，笑自己咁好彩？差Ｄ想食塊菜葉唔食個包，又驚俾隔離檯笑我寒酸！成２６蚊架大佬！又叫左個酸辣湯拉麵，四十幾五十大洋，個碗就大得很，湯同麵加埋得個碗容量一半，睇起黎鬼鬼鼠鼠！ＭＥＡＮ到極！酸辣湯只得幾條冬菇絲，豆腐絲，唔知雞紅定豬紅絲，同埋一Ｄ似筍又似沙葛物體，加埋豆粉芡，唔夠酸又唔夠辣，半天吊！加多個雞絲粉皮，個四吋碟仔上面舖左Ｄ粉皮，上面再加一撮熟雞胸肉絲，淋Ｄ麻油撈花生醬，盛惠四十幾皮，真係新春大吉（老闆）大利！呢餐晏仔連茶共銀一百四十個大洋，多謝都冇聲！食完得七成飽，夠晒健康！香港地食野愈來愈貴，此等小店都仔浸蛟龍！計起上來重貴過日本！回想到日本自由行，晏晝成街類似格局食店，定食不外乎８００－１０００，就算去百年名店「玉秀」食親子丼，都係八百零而已，何況進店離店，都有員工大合唱「歡迎！」同「多謝！」，差天共地！
見到檯檯都叫小籠包，以為好正，於是叫番籠。誰知來到一睇，個個都穿底，Ｄ湯俾塊墊底菜葉索晒！對住四個扁塌塌「小籠貼」，都唔之好嬲定好笑，笑自己咁好彩？差Ｄ想食塊菜葉唔食個包，又驚俾隔離檯笑我寒酸！成２６蚊架大佬！
又叫左個酸辣湯拉麵，四十幾五十大洋，個碗就大得很，湯同麵加埋得個碗容量一半，睇起黎鬼鬼鼠鼠！ＭＥＡＮ到極！酸辣湯只得幾條冬菇絲，豆腐絲，唔知雞紅定豬紅絲，同埋一Ｄ似筍又似沙葛物體，加埋豆粉芡，唔夠酸又唔夠辣，半天吊！
加多個雞絲粉皮，個四吋碟仔上面舖左Ｄ粉皮，上面再加一撮熟雞胸肉絲，淋Ｄ麻油撈花生醬，盛惠四十幾皮，真係新春大吉（老闆）大利！
呢餐晏仔連茶共銀一百四十個大洋，多謝都冇聲！食完得七成飽，夠晒健康！
香港地食野愈來愈貴，此等小店都仔浸蛟龍！計起上來重貴過日本！回想到日本自由行，晏晝成街類似格局食店，定食不外乎８００－１０００，就算去百年名店「玉秀」食親子丼，都係八百零而已，何況進店離店，都有員工大合唱「歡迎！」同「多謝！」，差天共地！
Post