Bacchus (Closed)

裝修得好靚西餐廳相信大家都去過唔少間，但好似呢到Bacchus整到咁高級真係第一次見，大開眼界櫈同沙發用左米黃色，仲要有毛毛，摸上去勁舒服，睇同坐都同樣好正配埋雲石台，成個感覺勁high class!Menu都好正，特別係cocktail個part，啲名改得勁搞笑，令人感覺間餐廳好親民、好有心機，睇字有聲，張menu好似識同我地傾緊計咁前菜叫左帕爾馬火腿蜜瓜，火腿唔會太咸，意外既係蜜瓜勁軟身，之前同朋友食過一間啲蜜瓜係爽口，我覺得好唔夾，自始就唔太中意火腿蜜瓜呢個classic組合，但呢到用左軟身蜜瓜先發覺原來可以咁夾北海道帶子蒜香橄欖油意粉，帶子煎得岩岩好，中間好軟身好香意粉調味得好足、好重入味，食落亦係爽口唔會煲到太淋最後呢個自家製tiramisu，超級有心機，擺盤勁得閒，扮到倒瀉左咁除左好睇，味道一啲都唔差，中間有啲脆片，配埋雲呢那雪糕同泡沫，超好食！