金子半之助 (新都會廣場) (Closed)

好佩服日本人對事情食物嘅專注同尊重。日本有好多店舖只會專注做一款食物， 貴精不貴多。今次喺香港葵芳新都會廣場都搵到同一間貴精不貴多嘅日本餐廳“金子半之助“，專門食天婦羅，整個餐牌得三個選擇，「江户前天丼」$138，「上天丼」$118 同「天丼」$98。 如果有選擇困難症嘅朋友相信都唔會太頭痛。今次點左用穴子造嘅「江户前天丼」$138 ，用咗成條穴子(即星鰻)做嘅「江戶前天丼」，份量十足，啲餸依然鋪滿哂飯面，價錢都十分合理。穴子啖啖魚肉嘅滿足感，呢個穴子食落稍肉質膩幼滑，另外我好鐘意嗰個魷魚天婦魚，切成一粒粒炸，每一粒上面都有香脆天婦羅炸漿，配合爽滑彈牙嘅魷魚肉相映成趣，而且天婦羅做到脆而不油膩。侍應姐姐仲好貼心教我地成到一半記得用雙溫泉蛋撈飯，同埋介紹醃蘿白同牛蒡可以消滯解膩，幾好服務。同埋呢度有款黑豆荼可以無限添飲，出面好少見，飲落甜甜地幾特別。餐廳環境都以木做主色，背景播放日本三弦琴古音樂，有少少去左日本旅行嘅感覺，幾適合幾個朋友一齊靜靜地傾下計。