Video
Read full review
2021-05-16
69 views
放假同朋友出旺角掃街，但並唔係食嘢，而係買動漫公仔🤣。行程超緊湊，所以喺出動之前先要食飽飽，朋友想食燒肉，於是我哋就去咗T.O.P嘅「八木橋日式燒肉」食晏。只要預先訂座以及喺社交平台讚好同留言，凡於午市時段惠顧「霞」級別嘅套餐就可享買一送一優惠🈹，計返每人大約$240，任食嚟講算正常價。季節の刺身盛合 🍣，刺身包括三文魚、吞拿魚、珍寶帶子、甜蝦、𩶘魚以及希靈魚。魚片類嘅每款有四片，份量多，兼係厚切。如果早三日訂枱就連刺身都可以任食，不過而家呢個盛盒都好夠。濕式·熟成M5和牛西冷及比目魚西京燒，呢兩款係套餐嘅前菜之一，即係唔使落單都會送上嚟。前者可以任嗌🥩，西冷有一定厚度，牛味亦較濃；而後者就一人只得一件，相當矜貴。比目魚好高質🐟，加上我燒肉技術高超嘅關係，魚扒好似鐵板燒師傅整嗰啲咁好食😋。魚肉油香滿滿，調味有料到，肉質嫩滑，皮脆。套餐仲附有鮑魚，雖然唔大隻，去殼後變薄，但味道唔差，口感好爽，一啲都唔韌👍。肉類拼盤包括韓風瓷壺醬油牛肋肉、米澤三元豚肉以及Mozzarella芝士雞腿肉，另加雜菇同南瓜。牛肋肉如果單點要$48㗎😱！上述項目係前菜部份，其實幾搞笑，咁多嘢食都叫前菜，哈哈😜。可
放假同朋友出旺角掃街，但並唔係食嘢，而係買動漫公仔🤣。行程超緊湊，所以喺出動之前先要食飽飽，朋友想食燒肉，於是我哋就去咗T.O.P嘅「八木橋日式燒肉」食晏。
只要預先訂座以及喺社交平台讚好同留言，凡於午市時段惠顧「霞」級別嘅套餐就可享買一送一優惠🈹，計返每人大約$240，任食嚟講算正常價。
季節の刺身盛合 🍣，刺身包括三文魚、吞拿魚、珍寶帶子、甜蝦、𩶘魚以及希靈魚。魚片類嘅每款有四片，份量多，兼係厚切。如果早三日訂枱就連刺身都可以任食，不過而家呢個盛盒都好夠。
濕式·熟成M5和牛西冷及比目魚西京燒，呢兩款係套餐嘅前菜之一，即係唔使落單都會送上嚟。前者可以任嗌🥩，西冷有一定厚度，牛味亦較濃；而後者就一人只得一件，相當矜貴。
比目魚西京燒
8 views
0 likes
0 comments
套餐仲附有鮑魚，雖然唔大隻，去殼後變薄，但味道唔差，口感好爽，一啲都唔韌👍。
肉類拼盤包括韓風瓷壺醬油牛肋肉、米澤三元豚肉以及Mozzarella芝士雞腿肉，另加雜菇同南瓜。牛肋肉如果單點要$48㗎😱！
上述項目係前菜部份，其實幾搞笑，咁多嘢食都叫前菜，哈哈😜。可以任食嘅款式都幾多，特別係肉類，而每款均有幾個味揀，例如原味、法芥(黃芥辣)、韓風醬油同七味辛辣等。第一份肉有肩脊肉、一口牛粒、牛舌同青檸汁豚拖羅，🐷塊豬肉啲肥膏多到有啲誇張😅…。
另外一份係極上牛板腱、牛油粟米粒同牛油金菇。💡留意返，我全部嗌嘅食物份量都係一，唔同款嘅肉嘅數量各有不同，但就一定唔止一片。所以一次過其實唔使嗌太多，反正係任食，啱食先再點，而且上菜亦都快。
海鮮方面🦑，我哋要咗多春魚、清酒煮海蜆、半殼扇貝同虎蝦，呢方面嘅單位係逐件計。我食飽咗，所以全部都係朋友食。
燒肉以外，呢度仲提供炸物同小食，我哋嗌咗幾款天婦羅，包括炸金菇、蟹柳同蝦🍤。同時，我要咗一個冷素面，冰涼嘅口感能夠清清味蕾。
前菜亦有常見嘅幾款，包括中華沙律、辣味螺肉、泡菜同麻辣青瓜，後者嘅麻辣味好辣啊🌶。
餐廳嘅飲品同甜品都係任飲任食🥤，選擇幾豐富，飲品櫃入面仲比我發現咗久違嘅沙士！啤酒都係任飲，不過每位要俾多$20。甜品糕點從App落單，另外亦都有雪糕雪條可以食，但雪糕櫃有啲隱蔽。
最後，我想講一講餐廳嘅燒爐🔥，佢唔係用明火，而係用發熱線，熱力算幾平均。此外，爐上面嘅抽氣位力度都幾強，所以並無出現煙霧彌漫嘅情景，整體衛生情況良好。
總括嚟講，嚟呢度食嘢一定食得飽，食任食最重要都係呢樣啫😉。店員態度亦好專業有禮，抵讚。如果想嚟食，不妨上網睇吓有乜優惠～。
Post
