犇殿台灣火鍋 (青衣城1)

Open Now

Now Closed

吃到飽・90分鐘放題套餐：美國尚品黑毛雪花牛（$388）星期一至四晚市時段，惠顧此套餐，只需帶多一位朋友同行，會員即可享免費優惠。（加一加原價，折實 $465.6，除開每人$232.8）湯底有八款可以揀，要咗藥膳紅燒牛骨鍋，味道濃，藥膳味唔出。有四款牛肉可以任食・美國尚品黑毛雪花牛，四款牛呢款最好食，有牛味，食落嫩，唔多肥膏。・澳洲特選牛肉，都有牛味，但比較多肥位。・美國牛板腱，有肉味，但偏嚡。・上選安格斯牛肉，肉味唔多。除咗牛肉，仲有豬羊雞，海鮮有鯛魚片、蝦、蜆、墨魚仔，呢啲係用QR code落單。試過幾款都係普普通通，而且主要都係以食牛為主，之後都無再叫。出面有自助火鍋配料，都係一般嘅丸、菜、菇、麵、等等。另外仲有一啲台式熟食，滷三寶、鴨血、台灣腸、等等。最後就係飲品及甜品，飲品選擇唔多，得十零款；甜品有台式芋圓、涼粉、雪糕、雪條。