犇殿台灣火鍋 (青衣城1)

Open Now

Now Closed

呢日友人帶咗我嚟青衣城打邊爐，呢間台式火鍋做緊”日本JA全農和牛嘉年華”有買一送一優惠😮 仲送500g嘅日本和牛，真係好抵呀😻 呢個套餐除咗日本和牛，都有多款肉類提供，牛魔王一定會鍾意😉鍋底除咗恆常有嘅八款鍋底之外，亦有推出期間限定鍋底😆 我哋試咗台南清香椰子雞鍋，喺打邊爐之前我試咗一啖湯底，真係好清甜，入面除咗有烏雞之外，仲有蟲草花、杞子同埋椰子片🥥肉類“日本JA全農和牛嘉年華” 除咗有額外附送嘅日本A5和牛之外，其他嘅肉類餐點係等於”美國極佳牛肩胛肉晚餐”，所以買一送一嚟講，其實價錢幾抵食🤩 500g嘅日本A5和牛令人好滿足呀，因為佢嘅雪花勁靚，入口即溶🐮 呢個套餐仲包括其他豬、牛、羊同埋雞。當中嘅美國極佳牛肩胛肉牛肉味道幾濃郁，而且淥完都幾嫩滑。海鮮海鮮方面，呢度有兩款鮮魚片、海蝦、墨魚仔、墨魚滑等等。個人幾鍾意佢嘅墨魚仔，食落口幾爽彈🦑火鍋配料有台灣嘅鴨血同埋蜂巢豆腐，兩款都好適合火鍋🍲 可以喺QR code落單之餘，外面仲有個排列整齊嘅自助吧，有大量丸類同埋蔬菜🥬 咁就可以均衡飲食啦，又有肉又有菜。熟食區台式嘅熟食都有好多種，除咗有常見嘅台灣腸之外，個人鍾意佢嘅藥膳雞腳同埋台

吃到飽・90分鐘放題套餐：美國尚品黑毛雪花牛（$388）星期一至四晚市時段，惠顧此套餐，只需帶多一位朋友同行，會員即可享免費優惠。（加一加原價，折實 $465.6，除開每人$232.8）湯底有八款可以揀，要咗藥膳紅燒牛骨鍋，味道濃，藥膳味唔出。有四款牛肉可以任食・美國尚品黑毛雪花牛，四款牛呢款最好食，有牛味，食落嫩，唔多肥膏。・澳洲特選牛肉，都有牛味，但比較多肥位。・美國牛板腱，有肉味，但偏嚡。・上選安格斯牛肉，肉味唔多。除咗牛肉，仲有豬羊雞，海鮮有鯛魚片、蝦、蜆、墨魚仔，呢啲係用QR code落單。試過幾款都係普普通通，而且主要都係以食牛為主，之後都無再叫。出面有自助火鍋配料，都係一般嘅丸、菜、菇、麵、等等。另外仲有一啲台式熟食，滷三寶、鴨血、台灣腸、等等。最後就係飲品及甜品，飲品選擇唔多，得十零款；甜品有台式芋圓、涼粉、雪糕、雪條。

半公斤日本A5和牛 台式火鍋吃到飽 .見到「半公斤日本和牛」套餐買一送一!二人同行只需$598再加一.湯底有8款選擇,揀左刈菜蚵仔鍋,其他地方少見~都有幾多蚵仔, 湯底幾鮮又唔會太蓋過食材原味.今個套餐重點係日本九州A5和牛油花好靚食落軟滑,好舒服唔會入口油淋淋除左和牛,仲有牛肩胛、安格斯、牛板腱、牛胸爽﹑豬梅花、羊肉卷海鮮有海斑片、鯛魚片、海蜆、海蝦、 墨魚滑、魚青滑.除左QRcode落單仲可以去自助區揀有夜市小食, 熱炒, 生果, 飲品, 甜品真係總有野會想食!!!.ps全新推出堂食台式自助餐 !平日除咗可選擇火鍋放題亦可選擇台式自助餐 ! 午市98 ，晚市1381小時用餐時間而午市及晚市火鍋放題，都包埋台式自助餐，不另收費！.犇殿 地址：青衣城1 期3樓322B號舖

前天晚上和朋友去了青衣城犇殿吃放題火鍋，原來這間火鍋店最近在做日本JA全農和牛嘉年華，可以吃到鹿兒島和牛，而且有買一送一優惠，性價比非常高。這個套餐包括了半公斤和牛肩胛肉，整潔滿滿的和牛份量非常足，和牛每片都大大塊，油脂分布平均，入口非常嫩滑又有肉味。除了和牛以外，也可以用QR code點選其餘不同種類的，而在外面自助配料區也有20至30款不同種類的火鍋配料任吃。這裏還有一個非常有誠意的地區，那就是台式小食專區，炸餃子、芋頭芋圓、麻醬豆腐、小籠包通通都是任吃的。甜品方面，絕對不能錯過的是自製仙草芋圓凍，在雪櫃裏面還有豆腐花，這次我就選擇了自製一碗豆花仙草芋圓紅豆花生凍，味道很不錯。這裏的飲品也是的任飲的，茶飲汽水通通都可選。整體而言這個套餐性價比非常高，很值得一家大小來吃。📍犇殿各分店青衣 / 將軍澳 / 奧海城 / 九龍灣

午餐放題：美國極佳牛肩胛肉（$223）另收加一服務費。用餐時間由90分鐘免費升級至105分鐘。湯底有8款可選，揀咗牛骨鍋，味道不是太濃，還可以。另外附送海鮮盤一客，有2隻蝦、2隻蜆、1隻青口、1隻吊筒、鯪魚滑，質素一般。牛肉有幾款可以食，主打食「美國極佳牛肩胛肉」，另外都試咗「澳洲特選牛肉」及「美國牛板腱」。除咗火鍋食物，出面有飲品櫃、熟食區、甜品區、雪糕櫃。整體用餐體驗不錯，食物質素不錯，無漏單及出單都快，坐位鬆動唔逼。

一直都想食呢間火鍋今晚行過竟然見到唔使排隊即刻攞飛入去任食90分鐘仲有我最愛嘅麻辣湯底揀咗最經濟實惠嘅牛肉餐電話落單後上菜好快熟食同甜品飲品選擇都好多三大兩小開咗兩個湯底台灣鴨血好正滑嘟嘟蜂巢豆腐冇得輸牛肉豚肉都唔錯下次一定會再嚟🎉🎉🎉

近排超凍, 有日即刻想食任食邊爐, 就第一次試左呢間犇殿台灣火鍋🍲可能因為平日, 唔洗等位即刻入座~呢到既任食係90分鐘, 好似比平時既任食時間短. 我地揀左最basic既上選安格斯牛肉餐🐮+麻辣湯底🌶️. 試左少少湯底都好惹味, 好岩重口味人士, 如果唔係重口味就要飲多d茶哈哈. 不過個麻辣湯底愈煲愈辣, 有食唔到辣既朋友就盡量唔好揀啦🙅🏻跟餐可以任叫既肉類有安格斯牛肉, 豬肉同羊肉, 蝦同魚滑, 蛋餃等等. 安格斯牛肉真係好一般, 連牛味都無乜, 咬落都幾韌...不過個豬肉同羊肉都唔錯, 我地有再order. 熟食方面有台灣既夜市小吃, 呢個幾特別, 係其他餐廳比較少見. 涼伴皮蛋豆腐,  小香腸同地瓜條都唔錯. 但當日既現場選擇得6-8樣小吃左右, 同佢餐牌既18樣差咁一半... 不過雪糕/雪條選擇反而有10款左右, 都算幾多. 🥢總結: 性價比唔算高, 唔推薦安格斯牛肉餐. 不過有夜市小吃同甜品選擇多, 幾特別. 

為家人慶祝生日，一坐下高大的哥哥同壽星仔說：生日快樂，十分窩心🥰食物款式不是太多，但新鮮，乾淨，精緻，仲不停補貨，上餐快，牛十分新鮮，還有海鮮吃值得推篤：白桃烏龍茶，茶香又不太甜，十分解膩。沙茶窩入面有圓肉， 洋蔥，甜甜地很特別，不用點醬汁都夠味。一個很高大的店員介紹小朋友食牛乳窩，很有驚喜，很好食，香濃奶味，小孩十分喜愛，食到差不多一半時以為夠鐘走，原來佢仲專登過嚟問食物及湯底是否滿意，又介紹佢哋既湯底是特別配製，所以與其他有所不同，今時今日仲有咁好服務確實難得。👍🏻👍🏻十分滿意的晚餐，信再光顧

今日放大假走左去青衣城行吓，大約下午兩點半入左呢間店食火鍋放題，原來90分鐘火鍋於平日（一至五）可以升级為105分鐘，今次揀左澳洲特選牛肉放題$193配藥膳紅燒牛骨鍋湯底呢個餐包左澳洲特選牛肉，美國牛板腱，上選安格斯牛肉，猪梅花，羊肉卷同阿嬷燒酒雞可以無限追加，個牛骨湯底都有好濃嘅牛肉味同藥材味，天氣凍飲番碗暖哂，今次主力食三款牛肉同羊肉，同時牛羊追加左六轉，食呢兩款肉已番本，三款牛肉味道幾好，肥瘦均匀，羊肉又冇乜慅味自助火鍋區有多款新鮮蔬菜同各款丸類，不過主要食蔬菜居多，丸類只係試左兩三款，另外有幾款台式炸物及小食，更有多款冷凍飲品同熱茶供應，當然仲有多款雪糕，雪條同自製台式芋圓凉粉今餐都好滿意，環境舒適加上職員服務態度唔錯，埋單$193再加一，共二百蚊多少少都抵食

本人帶一個讀二年级的小朋友進餐，侍應生居然想當大人計算，小朋友明顯高度也不夠指牌高，侍應不禮貌地表示今次當小朋友，下次要當大人價錢計算，真的令客人很氣憤。不知道究竟用什麼來作準?

火鍋套餐價錢合理而 食物質素不錯種類 算多 ，尤其是牛肩肉肉質鮮嫩。如果可以減少苦菜而俾其他菜多一點就好了。另外犇殿職員忘記了我的要求（未有提供 沙茶醬、胡麻醬及 炸蒜）。

服務越來越差，食物質素都唔掂，投訴無人理，原來係牛扒先生集團，非常失望，名下餐廳一律黑名單，唔怪得大部分港人北上，上面價錢公道，服務態度慇懃，在香港的餐廳完全感受不到。

一行3人晚餐打邊爐吹下廢水，90分鐘，牛同湯底都不錯，另有海鮮及牛等等可手機落單任點，但係自助熟食、丸類、蔬菜、甜品甚至連飲品選擇都不多，相比其他同類餐廳略為遜色

即興同同事食晚餐打邊爐！冇做什麼research就去食！平日夜晚冇預訂 都即刻有位湯底揀咗麻辣同土雞美人鍋！土雞美人鍋都幾足料！半隻雞擺咗入鍋麻辣湯底都唔錯！我哋揀咗最普通嘅上選安格斯牛！肉嘅種類唔算好多！4款！不過啲肉都幾新鮮$268仲居然有海蝦食！加分其他火鍋食物種類都好多！蔬菜類亦都好多選擇！而且好新鮮掛住拎嘢食都唔記得影提提大家記得唔好食到咁飽！餐廳提供movenpick同Häagen-Dazs任食！超加分呢個價錢我覺得值得一試

呢幾日天氣變凍，好適合打邊爐暖下胃。見到呢間火鍋店有lunch set, 有好多選擇：有任食放題，有定量放題，有一人火鍋定食，價錢仲要吾貴🤩一人火鍋定食75mins 都係78蚊起，套餐有肉，蔬菜盤，芝士腸，丸類，肉燥飯或烏冬，最驚喜係有2隻蝦🦐🦐，仲配一個飲品，呢個價錢有甘多野食，真係好滿足！😋⭐️上選安格斯牛肉配豬梅花安格斯牛肉有4塊，肥瘦均勻，比起美國雪花牛瘦d,但肉味濃⭐️美國雪花牛配豬梅花我個人中意呢呢款多d, 美國雪花牛比安格斯牛大塊d, 肥美d, 豬肉2款餐都係一樣有4塊，豬肉吾鞋，淥一陣就ok，好食👍