楓 (Closed)

今日行街睇玩具嘅時候，無意中見到有間甜品店既乳酪雪糕做緊買一送一🤩🤩兩杯大大杯嘅乳酪雪糕都係$60有找，仲可以自選3款配料 ＋ 1款醬汁🤣真係好抵👍🏻我地分別揀左嘅醬汁同配料組合：✨玄米脆脆、麻糬粒粒、菠蘿🍍味雪花酥再配Homemade 既小山園抹茶醬✨牛油薄脆、麻糬粒粒、比利時Lotus餅 再配Homemade既伯爵茶醬✨呢個Froyo希臘乳酪雪糕酸酸甜甜，又奶又滑，味道清新又開胃，其實就咁食都已經好好食😋加埋醬汁配料仲更加正😍我同朋友所揀既醬汁配料組合配搭都比較偏向日式；其中既小山園抹茶醬絲滑甘醇，茶味香濃冇澀味，入喉仲好清爽，堂堂令到杯雪糕既感覺變到更加小清新🌿伯爵茶醬味道濃烈香醇得梨仲有陣獨特既柑橘🍊清香，感覺幾特別👍🏻自選既配料仲有成20個選項可以揀，醬汁口味都有成十款（起碼超過一半仲系店家自己homemade 既添，實在誠意滿滿🤩），點組合都得，唔同既組合就有唔同嘅風味，梗有一種口味啱你食😍加上呢個買一送一嘅優惠實在太抵，真係唔想幫襯都唔得🤣🍁楓📍旺角廣華街1號仁安大廈地下32B-D號舖港鐵油麻地站 A2 出口,步行約6分鐘