上海三六九菜館

Open Now

Now Closed

舊式上海菜館執下一間執下一間，雖然衣家開咗好多新派嘅上海菜館，好可惜都真係唔太啱我嘅胃口，我真心鍾情於舊式上海舖。其實三六九真係好耐無幫襯，因為我自己覺得佢d野又唔係唔好食嘅，不過就真係唔算平，感覺上真係唔係好值，不過喺舊式上海菜館買少見少嘅情況之下，唯有都要去食下啦。今次叫咗上海粗炒、砂鍋雲吞雞、雪菜肉絲炒年糕、小籠包、鍋貼、炒四季豆同埋豆沙鍋餅，整體而言都比我想像中的要好，因為我記得呢間野d食物煮得好咸，同埋都重味精，而今次咁多樣野入面，只有四季豆超咸，其餘的都算ok，而咁多樣野入面，我覺得佢嘅鍋貼做得最好，因為坊間好多上海舖嘅鍋貼，d皮都係勁厚，而且都係煎到燶晒，好多時真係塊底皮係完全食唔到嘅，但係三六九嘅鍋貼，皮嘅厚度適中，而整體煎得啱啱好，有香味而又唔會好燶，真係唔錯，值得一讚！