AnyMomentCafé

Open Now

Now Closed

O camp 完左當然要 reu，咁多人一齊，要搵個食得又挽得，價錢又唔太貴既真係有啲難度。有個friend推薦我黎呢間，於是我打電話問下，老闆竟然可以安排到比我地，實在太好啦。黎到 枱已經set好一個方形咁，啱哂我地圍埋一齊傾計同挽 。由於我地一早溝通好，所以野食好快就上到,仲熱辣辣。咁多人嗌唔同野食，我地樣樣都試d，樣樣都唔錯，尤其是個卡邦尼煙肉三文魚意粉，好好味 ,好香，聞到都流哂口水。卡邦尼汁里面有煙肉，仲有黑椒，食落好有口感，又唔會話好膩 ，配上好新鮮既三文魚，簡直絕配。另外朋友叫左個地中海香蒜雞絲螺絲粉，雞絲炒得好嫩，甜甜地辣辣地，好開胃。仲有個龍利柳意粉 ，芝士汁好濃，龍利柳大大條，炸到金黃色，外脆內軟。肉醬鴨胸意粉，加芝士粉，好味 。正常份量,睇落唔大份，但食落好夠，好滿足。d 野飲名改得好有心好有特色， 好似維納斯之戀，粉紅色好浪漫,女仔見到都會好鍾意。佛羅倫斯星夜，賣相超靚，杯身有朱古力花紋,上面畫左粒星,好sweet，正。cafe有個超大層層疊，好刺激，比我地挽就啱曬，輸左之後老闆仲為我地預備埋懲罰卡，d懲罰真係好正，挽遊戲有懲罰先好挽，真係照顧周到，超貼心服務!