辦館 (Closed)

今日約左朋支去PMQ睇展覽，去完之後想坐低飲杯野，咁啱經過依度，所以入左黎飲野。當入到去既時候，見到依度仲有髮型用品同飾物賣。而最特別既係依度有駐場既髮型師，只要係依度消費，就會有專人幫大家整下頭髮。真係好適合係中環返工既貪靚一族，過黎買咖啡既同時，可以買下咖啡，又可以行下街，仲可以揾專人整一整個髮型，好貼心既服務呀。抵讚！火腿温泉蛋芝士多士：多士鋪滿左芝士、火腿同温泉蛋。當切開温泉蛋既時候，蛋王汁慢慢咁流出黎，見到已流晒口水。由於有溶左既芝士同埋有蛋汁既關係，成個多士好juicy！西班牙黑毛豬火腿芝士多士：西班牙黑毛豬火腿好煙靭，而且有陣陣既黑毛豬味，火腿既鹹香同埋溶左既芝士，再加埋多士一齊食既口感真係好夾！棉花糖多士：前陣子好hit既棉花糖多士一直都好想試，可惜一直都無機會，今日終於揾到機會試。多士上面鋪滿左棉花糖，而上面亦淋滿左朱古力。第一啖咬落去棉花糖既心熱辣辣，而且有種流心既感覺，成個味道好似飲緊熱既棉花糖朱古力咁，正！Rose latte: latte上面既心形拉花好靚，而且灑左玫瑰花係上面，飲落去有好香咖啡味，然後慢慢湧d玫瑰味黎，味道好清新。Green tea latt