Video
Read full review
2020-12-28
2718 views
今日介紹一間位於中環位置非常隱世既日式吉列豬扒名店，佢有兩個入口，一個入口係砵典乍街一條窄巷入邊行好耐先搵到，另一個入口喺威靈頓街，望落去好唔起眼，要行到落地庫先知係一間咁嘅餐廳。由2017年8月開業至今，雖然位置隱閉，但食店不乏人龍，每每由地庫排到去樓梯嘅中部。唔講唔知，呢間porker其實係中環同區內既日式燒肉店 298 Nikuya既姐妹店。而豬扒仲係用熟成方法處理，熟成牛就聽得多，係一種於低溫下，令牛肉的天然酵素發酵，令牛扒的肉味提升、肉質鬆化。不過熟成豚就比較小聽到同罕見。餐廳主打來自鹿兒島三元豚，係一種肉味濃郁而肉質鬆化既銘柄豚，銘柄豬都係經過配種改良既特選豬，因為生長環境條件唔同，孕育出來既豬肉都係各有特色。銘柄豚不論是口感、油花或肉質完全不輸高級牛肉。因為豬肉屠宰之後，肉質會好快變硬，所以熟成係用0-5度既溫度作低溫冷藏，等待大概30-40日，等酵素分解產生發酵作用，由豬肉本身既蛋白水解酶催化作用，分解豬肉既肌原纖維，再由農場真空直送到港，令熟成既豚肉肉質變得更柔嫩，唔駛用其他店既加工方法，都可以做出又厚又鬆化既吉列豚。而三元豚會由日本真空直送，再以慢熱加溫方式烹調，令
今日介紹一間位於中環位置非常隱世既日式吉列豬扒名店，佢有兩個入口，一個入口係砵典乍街一條窄巷入邊行好耐先搵到，另一個入口喺威靈頓街，望落去好唔起眼，要行到落地庫先知係一間咁嘅餐廳。由2017年8月開業至今，雖然位置隱閉，但食店不乏人龍，每每由地庫排到去樓梯嘅中部。唔講唔知，呢間porker其實係中環同區內既日式燒肉店 298 Nikuya既姐妹店。
而豬扒仲係用熟成方法處理，熟成牛就聽得多，係一種於低溫下，令牛肉的天然酵素發酵，令牛扒的肉味提升、肉質鬆化。不過熟成豚就比較小聽到同罕見。
餐廳主打來自鹿兒島三元豚，係一種肉味濃郁而肉質鬆化既銘柄豚，銘柄豬都係經過配種改良既特選豬，因為生長環境條件唔同，孕育出來既豬肉都係各有特色。
銘柄豚不論是口感、油花或肉質完全不輸高級牛肉。因為豬肉屠宰之後，肉質會好快變硬，所以熟成係用0-5度既溫度作低溫冷藏，等待大概30-40日，等酵素分解產生發酵作用，由豬肉本身既蛋白水解酶催化作用，分解豬肉既肌原纖維，再由農場真空直送到港，令熟成既豚肉肉質變得更柔嫩，唔駛用其他店既加工方法，都可以做出又厚又鬆化既吉列豚。而三元豚會由日本真空直送，再以慢熱加溫方式烹調，令吉列豚可以做到粉嫩色澤既半熟狀態。
而呢間鋪頭既特色係吉列豬扒都係日本師傅炸，質素來講係非常接近日本，由炸衣的色澤、肉汁及醬汁都表現出色，不過價錢就唔係日本價錢，係香港價錢，相對冇咁平民。喺日本食吉列豬扒可能都只係千幾円，大約100蚊港幣，依度嘅價錢差唔多貴一倍，接近160到200幾，但要喺香港食到日本質素嘅吉列豬扒已經好難得。
-
排隊🧍♀️🧍🧍♂️
餐廳有落場時間，再加上如果想食限定既肉眼定食唔可以係每個時段太遲去。
排隊係由落到去地庫既門口開始，所以如果係威靈頓街經過係睇唔到有無人龍，如果有人龍會落樓梯到一半就見到。當日係星期日晏就接近1點到達餐廳，前面大概有8-10個人，樓梯無冷氣所以夏天黎排隊會有D熱，就黎排到入去時店員會比定餐牌比我地揀食咩，咁係入去前就可以入定單唔駛等咁耐，大概等左20分鐘到就入得。
-
環境🪑
店鋪有分BAR台同普通枱。BAR台位大概有6個，大約有2張2人枱，3張4人枱，位置唔算多。因為店舖夜晚會變酒吧，BAR台前會見到好多酒，廚房牆都擺左好多酒。
裝潢係好洋食風既居酒屋，BAR台有唔同射燈照住唔同角落，而音樂以70、80年代為主。
-
Menu
店鋪提供9個定食套餐，其中以肉眼、西冷同豬柳定食最為熱門，肉眼更加係限量供應，如果想一次過試哂最招牌既定食可以兩個人黎食，一個叫porket set(西冷、豬柳)，一個叫aged pork ribeye set(肉眼)。
係未點餐之前店員會送上一杯冰凍既麥茶，係一杯好飲麥茶但味道似曾相識，感覺有曾經係donki買過類似既麥茶，夏天飲到真係格外涼快。
麥茶
52 views
2 likes
0 comments
-
1️⃣ 熟成豚西冷及豬柳定食 💰210（👅: 9/10）
定食
20 views
3 likes
0 comments
熟成豚西冷及豬柳定食
$210
19 views
3 likes
0 comments
首先個定食包六樣嘢，第一樣係通常吉列豬扒定食都會有嘅椰菜絲，之後係薯蓉、麵豉湯、漬物，最後係飯同埋豬扒。
椰菜絲溫度夠凍，而且切得好碎，唔會一咬落去食到有大塊有細塊嘅椰菜絲，椰菜絲加左類似蘇葉碎既香草，感覺清新，口感好爽脆，而且仲帶一啲水份。加上店舖提供嘅芝麻醬之後非常好食，除咗芝麻醬仲有柚子汁，食落完全無草青味。
完全係可以減低食豬扒個種油膩感，而且椰菜絲係可以無限追加。
薯蓉
75 views
2 likes
0 comments
薯蓉本身帶少少酸味，但呢種酸味非常開胃，應該係加蛋黃醬打成泥，會一啖接一啖，質感係非常棉襪軟糯，好creamy，睇落係好普通嘅薯蓉但係絕對有驚喜。
麵豉湯
14 views
3 likes
0 comments
麵豉湯味道適中，唔會過鹹，湯入邊都有好多款蔬菜好似唔同種類嘅大根、紅蘿蔔、葱、牛蒡，而且仲食到少少豬肉碎，唔係馬虎自己都整到嘅質素。
飯本身係用日本珍珠米，質地係比較黏身一啲，係可以輕易用筷子夾起啲飯。
熟成豚西冷及豬柳定食
$210
16 views
3 likes
0 comments
最後講定食嘅主角，豬扒表皮好脆，但略嫌厚左小小，如果皮再薄小小好似入口即溶變成一啖油會更完美。皮雖小厚但好酥脆，因為佢既外層係混合三種麵包糠，並刻意將部份麵包糠切成大粒，再鋪滿日本小麥粉及蛋漿，加上適當既油炸時間同溫度處理，令口感更為香脆。部分炸皮會同肉分離，都係可再改善既地方。
熟成豚西冷及豬柳定食
$210
30 views
2 likes
0 comments
食落西冷同豬柳既分別就係，西冷嘅肉味會比較重一啲，豬柳就比較腍身啲，但冇咩油脂感。
炸豬扒會有兩種醬料提供，一個係吉列醬，另一個就係喜馬拉雅山粉紅岩鹽，通常喺日本食吉列豬扒都係提供依兩款調味，咁食客就可以跟自己喜好去點。吉列醬係自家製，用赤味噌、紅酒、蜜糖調配出黎，入口會食到幾突出既紅酒味，同平時食到既醬汁有分別。
我個人比較喜歡點鹽，因為鹽可以帶起豬扒既肉味，而豬扒醬有時味道會好重搶過豬肉味。其實就算唔加醬汁個豬扒都好食，可以好專心咁品嚐豬扒嘅肉味同質感。
-
2️⃣ 吉列熟成豚肉肉眼定食💰195（👅: 9.5/10）
吉列熟成豚肉肉眼定食
$195
8 views
4 likes
0 comments
有Menu可以睇到依個定食係限定，即係有數量限制，賣晒就冇，所以想食嘅就最好早啲嚟。
同豬扒豬柳定食一樣都係會有六種食物，所以以下就主要講肉眼。
同豬扒豬柳一樣，表皮炸到金黃香脆，但肉眼既肉汁非常豐富，肉眼嘅油脂咁會比較重一啲，油脂分佈非常明顯，會見到一層肉、一層油、一層肉分明，肥瘦均稱，將炸衣咬開之後會食到豬肉油脂嘅味道，但係係非常好味。肉處理得非常好，非常軟熟但唔會好韌，非常嫩滑真係外脆內軟，比起西冷同埋豬柳，更加之鬆軟同埋肉汁更加豐富。
吉列熟成豚肉肉眼定食
$195
26 views
2 likes
0 comments
而肉眼好明顯可以睇到肉嘅中心部份都係粉嫩紅色，證明係用新鮮豬肉，再經過低溫慢煮處理，保留肉汁，鎖住到滋味，處理得非常好。我個人特別錐意食肉眼近邊位既根部，感覺肉汁最豐富，油脂感爆發哂出黎。
試過肉眼、西冷同豬柳，我覺得最鍾意係肉眼，因為可以食到層次分明既肉感同油脂。因為個個人口味都唔同，友人就比較喜歡西冷，視乎每個人鍾意食豬肉既咩優點。
而我覺得呢間鋪既豬扒可以咁好食，比起料理手法，更加係因為豬扒本身個質數好好，平實既料理手法已經好好食。
-
🌟可以係香港食到質數如此接近日本質數既豬扒，而且係好罕有既熟成三元豚做成既吉列豬扒，味道同質數並唔係香港其他吉列豬扒店丼吉、勝博殿、吉豚屋可以媲美。
之前有提及過PORKER夜晚會變酒吧，其實PORKER既創店理念，係想人係日本工作過後，同朋友、同事一邊享受晚飯、一邊舉杯暢飲，係好典型既日本文化，唔只係食豬扒，而係一個飲酒放鬆既地方。
雖然位置隱蔽，人龍不絕，但呢間小店反而比到一種置身係日本既感覺，無華麗既裝潢，卻有平實而滿足既味道，絕對值得一試再試。
-
👅味道: 9/10
🍴環境: 7/10
💰消費: $223 (服務費: 10%)
Post
