Blacksmith Coffee Shop (Closed)

今日一家人本來開開心心遊西貢，趁未有好多人食lunch，唔駛等，就走入咗呢間店。最初覺得店員似乎幾有禮貌。好可惜，當我哋落好單等緊食物嚟嘅時候，發生一件事搞到我好委屈😭。話說當時我哋有一個位剩，女店員走埋嚟問我哋有個客人搭枱坐埋嚟好無。平時嘅我可能會say yes，但係，眼見張枱咁細，就算立刻將側邊塊透明膠板拉過嚟中間隔都唔掂，因為塊板好細塊，高度只去到頸部。係疫症期間咁近咁樣同個陌生人一齊食嘢，感覺唔係咁好🦠🦠🦠。所以當時我就表示唔想，嗰個女店員即刻變樣變聲大大聲話，「我都要做生意㗎！！！」，跟住我解釋，「咁呢個時候梗係唔想搭枱啦。」女店員就更大聲好兇咁話「唔搭咪唔搭囉，你駛唔駛咁講嘢呀！！！」當時我打咗個突😧，我無同佢爭拗，但覺得好委屈🤢，佢聲大大咁，周圍嘅人淨聽到佢講咪以為我講咗d咩好mean好衰嘅說話？枉我開頭仲以為佢好有禮貌🤮🤮🤮仲有好激氣嘅係等食！落單後，最快嚟嗰個餐等咗半個鐘，最後嚟嘅餐等咗近一個鐘頭！🥀🥀🥀喂！你覺得我用多咗你一個位阻你做生意，但你上菜要咁長時間，其實係你阻你自己做生意咋！你浪費我哋時間我都未出聲呀！我一家人食咗七百幾蚊，呻笨🐷🐷🐷！決定永遠都唔會再嚟呢