Video
Read full review
2016-12-22
6207 views
今次唔係第一次黎呢間酒樓食晚飯，之前幾次黎既食物質素同服務態度都OK的。但今次既經驗真係好差。首先，我之前明明打左去book位，果日佢仲有打黎確認訂位。但去到竟然話我冇book位，仲求奇指左張二人枱比我，我一家四口點坐呀!!我地話太窄坐唔到，之後佢就指我地坐門口果張，仲講<你坐就坐，唔坐就冇喇，今日full晒>。屋企人見做節就算啦照坐。但係我心裏不平，出去知客果度望下張訂位紙，我見到明明有我個booking，原來係佢將我張枱比左人。咁好難唔嬲啦，我問佢點解咁，個知客態度好差，話<宜家又唔係冇位你坐>。我就搵個經理叫佢解釋，點知態度竟然同個知客一樣，我真係嬲到想走。但屋企人話今日多人，走左都搵唔到餐廳，咁就忍住啖氣啦。食物質素又係另一令人嬲既事。果晚我地叫左五個餸，整體質素都難以接受。燒汁南瓜星斑球:呢個係細路話試既，話個配搭得意。點知......又咸又甜，古古怪怪咁。聲稱係星斑，但鞋到呢，完全唔係星斑的質素囉！金沙蛋黃大蝦球:呢個算係最似樣既，真係新鮮炸起，但係隻蝦係林既，一D都唔彈牙。咸魚蓉雞粒豆腐煲:咸魚喎，正常應該係重味既餸呀，點知係冇味既。但入
首先，我之前明明打左去book位，果日佢仲有打黎確認訂位。但去到竟然話我冇book位，仲求奇指左張二人枱比我，我一家四口點坐呀!!我地話太窄坐唔到，之後佢就指我地坐門口果張，仲講<你坐就坐，唔坐就冇喇，今日full晒>。屋企人見做節就算啦照坐。但係我心裏不平，出去知客果度望下張訂位紙，我見到明明有我個booking，原來係佢將我張枱比左人。咁好難唔嬲啦，我問佢點解咁，個知客態度好差，話<宜家又唔係冇位你坐>。我就搵個經理叫佢解釋，點知態度竟然同個知客一樣，我真係嬲到想走。但屋企人話今日多人，走左都搵唔到餐廳，咁就忍住啖氣啦。
食物質素又係另一令人嬲既事。果晚我地叫左五個餸，整體質素都難以接受。
燒汁南瓜星斑球:呢個係細路話試既，話個配搭得意。點知......又咸又甜，古古怪怪咁。聲稱係星斑，但鞋到呢，完全唔係星斑的質素囉！
金沙蛋黃大蝦球:呢個算係最似樣既，真係新鮮炸起，但係隻蝦係林既，一D都唔彈牙。
咸魚蓉雞粒豆腐煲:咸魚喎，正常應該係重味既餸呀，點知係冇味既。但入真係有咸魚蓉喎，真係唔明點做到既!
蜜汁叉燒:諗住冇可能難食啦，一般正常酒樓都唔會出事。點知味道係冇問題，但係全瘦囉，真係無言了。
上湯焗加拿大龍蝦:味道係正常既，肉得三舊，其他全部係腳同頭，完全併唔出一隻正常蝦。而肉質更加完全係雪藏質地。幾百蚊比呢個質素我，真係唔合理。
綜合一句，以後都唔會再幫襯
Post