莉苑美食 (Closed)

呢間嘢的確係平靚正，豆腐花好滑，豆漿好飲，蔥油餅好香好脆，價錢親民，但服務完全係扣晒分。門口個阿嬸長期黑口黑面，唔會主動問係要咩，成日好似好燥底咁，講咗個order佢冇回應又唔知佢有冇收到，想加單又好似好燥。堂食又係唔會主動問你要咩，要俾錢嘅時候佢會用力噠低啲碟，好似你晒緊佢時間咁。喂大佬，我知你賣得平，你有壓力我有壓力，但我冇得罪你㗎喎，好聲好氣「唔該」前「唔該」後你都當我係狗，真係貼錢買難受。老細，一係就炒鬼佢，唔係嘅話呢間嘢執X咗佢吧啦！