Video
Read full review
2009-02-20
星期日晚(15/2) 五個人試試呢度0既私房菜地點幾方便. 裝修都唔錯.唔使等位，但被安排坐0係收銀櫃檯隔離, 本人就唔係太鍾意.食物款式都幾多, 仲有套餐揀.要左個四人餐. 有D菜式名好騎呢, 咩"在你面前表演·桑拿石滾肉"...... 頭盤：雞絲粉皮, 泰式無骨鳳爪, 上海四喜烤夫, 中國沙律手卷雞絲粉皮 - 份量少，粉皮爽（乜係爽0既咩？總之同之前食開0既質地唔同），味道OK鳳爪 - 無試，無得評烤夫 - 即係麵筋之類（食齋實有果D），以為係凍，原來係熱食，甜甜地，味道麻麻地沙律手卷- 個筒係脆0既，有D生菜粟米咁，味道唔差盅湯：淮山燉嚮螺x3, 南瓜蝦仁配窩巴（好似咁上下）淮山燉嚮螺- 好味咩南瓜湯- 我覺得味道淡，唔覺有咩南瓜味，一般啦，但另一友人話好味點心：小籠包, 脆雲吞 小籠包- 幾好。有湯汁，皮唔厚 脆雲吞- 無食，唔知得唔得主菜：（1）在你面前表演·桑拿石滾肉（2）更上一層樓·這不是豆腐（3）士多啤利咕嚕骨伴麵包球（4）酥盒牛柳伴法式紅酒汁在你面前表演·桑拿石滾肉 （雞肉+沙茶汁）- 任選豬、牛、雞肉一款，及咖喱、黑椒、燒汁或沙茶汁一款- 放D肉放落個裝住熱辣石
地點幾方便. 裝修都唔錯.
唔使等位，但被安排坐0係收銀櫃檯隔離, 本人就唔係太鍾意.
食物款式都幾多, 仲有套餐揀.
要左個四人餐. 有D菜式名好騎呢, 咩"在你面前表演·桑拿石滾肉"......
頭盤：雞絲粉皮, 泰式無骨鳳爪, 上海四喜烤夫, 中國沙律手卷
雞絲粉皮 - 份量少，粉皮爽（乜係爽0既咩？總之同之前食開0既質地唔同），味道OK
鳳爪 - 無試，無得評
烤夫 - 即係麵筋之類（食齋實有果D），以為係凍，原來係熱食，甜甜地，味道麻麻地
沙律手卷- 個筒係脆0既，有D生菜粟米咁，味道唔差
盅湯：淮山燉嚮螺x3, 南瓜蝦仁配窩巴（好似咁上下）
淮山燉嚮螺- 好味
咩南瓜湯- 我覺得味道淡，唔覺有咩南瓜味，一般啦，但另一友人話好味
點心：小籠包, 脆雲吞
小籠包- 幾好。有湯汁，皮唔厚
脆雲吞- 無食，唔知得唔得
主菜：
（1）在你面前表演·桑拿石滾肉
（2）更上一層樓·這不是豆腐
（3）士多啤利咕嚕骨伴麵包球
（4）酥盒牛柳伴法式紅酒汁
在你面前表演·桑拿石滾肉 （雞肉+沙茶汁）
- 任選豬、牛、雞肉一款，及咖喱、黑椒、燒汁或沙茶汁一款
- 放D肉放落個裝住熱辣石頭0既木桶度撈, 個待應好似唔係咁想撈，是但咁撈兩0下。又要搞咁多花神但D待應又唔願做，搵黎搞
- 味道都OK, 不過D雞肉實在好少
更上一層樓·這不是豆腐 - 眾人都話好食, 但我又唔係好覺喎, 一般啦, 應該係D類似玉子豆腐0既0野
士多啤利咕嚕骨伴麵包球 - 其實呢個幾好食, 好香士多啤利味, D骨細細粒, 我就只係食到肉, 食唔到有骨, 幾好. 但個麵包就韌左D, 唔係脆0既
酥盒牛柳伴法式紅酒汁 - 我食0個時已經凍左, 個酥盒唔夠酥, 但係味道OK
菜：香菇蝦米浸莧菜，蒜蓉西洋菜
香菇蝦米浸莧菜 - 清清地又幾好味喎
蒜蓉西洋菜 - 無試唔知
主食：茶杯糯米飯伴腊味粒x2, 星洲米, 茄汁唔知咩飯
茶杯糯米飯伴腊味粒 - 嘩, 好鹹! 大家都覺得係, 味道無乜特別
星洲米, 少少辣, 色水都夠, 唔會好似之前D食評講無色. 味道都OK
茄汁唔知咩飯 - 嘩, 難食!
甜品：芒果布丁x2, 杞子桂花糕, 咖啡糕
芒果布丁 - 無試
杞子桂花糕 - 試左少少, 無乜甜味, 好少桂花味
咖啡糕 - 有咖啡味,唔會太濃, 但質地"實"左D
服務無大家講得咁差。加茶收碟0個D都OK。
上菜就真係快左D，食唔切搞到D野食凍晒。
大家都食得好飽, 呢個價錢食以上0既份量, 算OK. 但食物一般, 唔好望會好好食
試一次無妨, 再試要諗0下先
Post
