URA Japanese Delicacy (Closed)

見到呢座新大廈一段時間，成日話要嚟試新餐廳，終於成事啦！昨日打嚟訂位話得番bar枱，無所謂啦照book, 不過今日嚟到又有其他位坐喎，而且餐廳都唔full, 相信walk in 都不是問題。價錢由$98-$248，同事本想叫海解刺身丼，但係店員話已經賣晒！一點鐘已經賣晒？咁到底我要幾點嚟食lunch先會有呢？係限量供應還是真係咁多人order呢個餐？ 最終我哋分別叫咗鹿兒島黑毛豬同炭燒宮崎牛。首先會有前菜沙律同蒸蛋，沙律細細碗，芝麻汁唔太濃。蒸蛋就比較水咗d，比例水多過蛋。 好快就上主菜啦！見到好似好多花樣咁喎，估唔到會有埋卷物同甜蛋。卷物係炸咗嘅吞拿魚，魚味突出。甜蛋調味剛好！黑毛豬就比較油咗d，油多過肉，肉質亦唔算鬆軟。另有碗一口食得晒嘅豆腐腦，質地好得意，似係自家製嘅豆腐。 麵豉湯就幾貼心，蔥花係分開嘅，唔食蔥嘅朋友唔駛再夾夾夾啦⋯⋯ 同事嘅炭燒宮崎牛，味道一般同略為甜咗d，點埋佢比嘅汁就會太咸！同事食食吓話係古惑的飯呀！原來飯底墊咗菜！其實應該唔係想欺騙客人嘅，我估佢哋係將墊肉嘅菜放埋入去啫，用大d嘅碗，相信飯量無減少。