La Famille (Closed)

La famille好多間都係外賣為主，而銅鑼灣內街嘅呢間分店係一間cafe來，裡面嘅擺設同設計都好簡約高檔，坐係度好舒服，佢嘅蛋糕無論賣相定味道都好高質！今日自己一個來到叫左杯香濃朱古力咖啡同一件新出嘅伯爵茶巴伐利亞，走嘅時候都買左三件戚風蛋糕同朋友share！香濃朱古力咖啡嘅可可味非常濃郁，好好飲！伯爵茶巴伐利亞晶凝通透嘅啫喱裡面有花瓣、士多啤梨同桃，底層係用伯爵茶製成嘅奶凍，食落好有層次感，先係啫喱清新嘅果香，然後係淡淡伯爵茶，口感亦都好順滑，好適合唔喜歡甜食嘅人！日本袖子呢款柚子蛋糕做得非常細緻，海綿蛋糕裡面夾雜左袖子粒，蛋糕上嘅Cream亦都唔甜膩，極度推薦！日本白桃白桃嘅用料優質，不但新鮮，而且好爽甜，蛋糕都十分鬆軟！法國玫瑰中間係一朵用糖霜整成嘅玫瑰花，配以紅桑莓同奶油唧花，賣相好夢幻，食落亦都嚐到玫瑰嘅花香！