Bingo & Cook (Moved) New Location

因為有event所以黎左呢邊，趕頭趕命搵野食，見到有間韓國野，職員都係韓國人，諗住食個傳統紫菜卷頂下肚，點知無哂！於是揀左個沙律醬炸雞飯食。用圓紙盒裝住呢個飯睇落去真係賣相好普通，而且用紙盒裝好似食緊外賣咁，但求其為左飽肚就唔好咁多要求😛最緊要係食落得落口為重要。的確個炸雞幾脆口，雞肉都嫩滑，唔會煮得過耐。白飯就無特別，不過佢加左沙律醬同紫菜就幾開胃。$55 嘅價錢不過不失嘅。另外朋友食嗰個$80人蔘雞就真係好灰，一啲人蔘味同料都無，但雞肉煮左咁耐都好滑，有糯米等等材料都好暖胃飽肚。