Cafe Eos Club (Closed)

睇到Openrice嘅食評上黎，見到好評好多，以為幾好，點知食物大部份無味。叫了Set Dinner，湯似漿糊，麵包唔熱，韌過阿婆，一D都唔脆。個南瓜海鮮義大利飯賣相好好，但完全無味，D芝士好多，但全部痴埋曬一舊，又好硬。海鮮得表面一隻蝦同幾隻蜆，裏面就只有南瓜，飯同幾粒魷魚，都係個句，淡到完全無味。而Appetizer叫了芝士焗薯，酥皮焗田螺和雞翼。芝士焗薯D薯好硬，又係無咩味，完全無特別，68蚊3舊完全唔值。而酥皮焗田螺得1分，而個1分係俾個酥皮，田螺完全無味，D菰又係好硬。4樣野得個雞翼係正常。雖然環境和食物個樣Ok，但食物質素需要好大提升空間，所以無下次。