Wildfire Pizzabar (鯉景灣) (Closed)

已是第三次幫襯呢間餐廳，第一次係西環分店，第二次係山頂分店，食物都好滿意。第三次黎到西灣河分店，質素差好多，唔知係分店問題定點。先來一個黑松露蝦麵，$168整體味道正常，黑松露聞落香，食落唔算重味蝦爽口可惜意粉唔夠乾身第二味西冷牛$218，之前係山頂分店叫過覺得牛好好味又無筋，所以諗住再食點知今次嘅牛令我非常失望叫咗三成熟，熟度都唔會太熟，但感覺塊牛似係過份解凍，導致肉質係偏梅個隻淋再黎係啲牛好多筋，吐咗好多咬唔到嘅出黎，山頂食個次基本無吐過。下次會再去返山頂分店試下，因為西環分店已經執咗。睇下係分店問題，定所有店整體都係差咗。好老實，價錢唔算平，但質素不配這個價錢。