Wildfire Pizzabar (鯉景灣) (Closed)

I wanted a quick snack so ordered their truffle fries and omg!!! I’m blown away! They were so delicious. They were hot without being too oily. They were topped with layers of cheese and a dollop of truffle. It was so tasty when it all blended together.

單點餐牌最高有5折起全人手製作薄餅，即叫即做不論創意款式或經典口味，皆可配以啤酒和葡萄酒芝士酸忌廉番茄沙沙焗薯蓉配上酸忌廉加番茄沙沙醬,清新既味道配以薯蓉,香滑又清爽既前菜墨汁海鮮麵, 大蝦4隻,用墨汁煮意粉,濃濃既墨汁香,蝦肉爽甜大隻 加上蟹籽芝士番茄又濃又清新,味道豐富香濃 麵身彈牙燒烤焗拼盤,煎羊架,肉腸,牛扒,雞肉一個盤有齊4種肉,每樣都有2人份量,仲要配薯條牛肉美國牛扒夠濃味,5成熟肉質嫩,焗雞肉,入味帶蜜糖甜香,雞肉一樣好嫩羊架5成熟,厚切大件啖啖肉好鮮味甜品係雙重朱古力心太軟 焗心太軟加一球朱古力雪糕, 入口熱既濃朱古力,又食到半溶既朱古力雪糕凍火雙重口感,味道濃香朱古力味醇厚消費$600Shop 2B7, 45 Tai Hong Street, Site B, Soho East, Lei King Wan

呢度係酒吧+餐廳 主打西式美式配酒類飲品 約左朋決食晚餐,就係附近行過黎食飯 由西灣河地鐵行十分鐘就到,呢度比較隱世招牌PIZZA係店員推介 份量超大個! 另外叫左2份小食飲酒食招牌至尊PIZZA 落足料,芝士番茄 黃綠紅椒絲,肉腸片等等個批底係好薄脆個種,豐富食材加芝士,味濃而香口,脆香滋味 口感豐富 炸魷魚配香辣醬和沙律醬 粗身魷魚炸香,酥脆可口,本身已帶點辣味好滋味 加檸檬汁食仲鮮仲爽彈焗雞翼 一客2隻,用獨家香料粉包住雞翼炸脆,咬開仍然好有肉汁酒就啤酒一人一杯$68 大大杯幾抵飲平均消費$300評分7/10西灣河鯉景灣蘇豪東B期太康街45號地下2B-07號舖

相约朋友於餐廳午餐。因疫情關係，任食沙律、湯、生菓、甜品變了店員set 碟; 但都非常足夠: 有麵飽、粟子(甜)、沙律、凍火腿肉x3、菜; 主菜叫了 Classical pizza., ,意大利飯; 寬條麵。甜品有cheeze cakes x3, 西瓜、密瓜……上面所寫係每人份量，加飲品……每人平均$159。一餐非常完美午餐，客人並不多，舒服環境。食物質、量都好好。

已是第三次幫襯呢間餐廳，第一次係西環分店，第二次係山頂分店，食物都好滿意。第三次黎到西灣河分店，質素差好多，唔知係分店問題定點。先來一個黑松露蝦麵，$168整體味道正常，黑松露聞落香，食落唔算重味蝦爽口可惜意粉唔夠乾身第二味西冷牛$218，之前係山頂分店叫過覺得牛好好味又無筋，所以諗住再食點知今次嘅牛令我非常失望叫咗三成熟，熟度都唔會太熟，但感覺塊牛似係過份解凍，導致肉質係偏梅個隻淋再黎係啲牛好多筋，吐咗好多咬唔到嘅出黎，山頂食個次基本無吐過。下次會再去返山頂分店試下，因為西環分店已經執咗。睇下係分店問題，定所有店整體都係差咗。好老實，價錢唔算平，但質素不配這個價錢。

「眾里尋它千百度，驀然回首，那餐廳卻在燈火闌珊處。」🥰 周末，用食物來慰勞一下自己⋯⋯❤️愛，這裡的近海；樂，輕悠的音樂；喜，明火焗pizza的暖；甜，扣人心弦的味道；讚，耐心的推介食物👍當然，唔可以少得同良朋知己共享，一齊吹吹水，才可以築構成為一幅美麗的圖畫。。。

一行三人到西灣河wildfire,諗住門口可以泊車,6：15分到,個場無咩人,之後叫了一個parma ham pizza （pizza可以）,之後叫左嗰Angus rib-eye,（首先有係山頂嗰間食過的好味）,今次諗住同一公司應該一樣,但係出乎意外地難食啲肉質好鞋我夠膽講安格斯一定唔係咁嘅質素,之後我有再三問過他們肯定這是Angus?他們說話肯定是餐牌肉眼淨係得一款,之後我已經冇再三追究,但係我真係未食過咁韌嘅安格斯肉眼,同出面街邊七八十蚊嘅午餐牛扒一樣,如果係午餐我當然接受啦,另外服務一般

好耐未去過鯉景灣，睇到幾間餐廳，見到呢間門口個餐牌，價錢幾抵，同埋望到入面都幾舒適，就入去試下。order左個下午茶，下午茶嘅薄餅有得二選一，我揀左夏威夷，味道可以。下層有炸物，三文魚餅，等等，甜點就係大路嘅馬卡龍，cheese cake... 味道就冇得跟酒店比較，始終呢個價錢，價錢$230，俾你座足幾個鐘(侍應唔會好似其他餐廳咁，吹你埋單走，都幾適合同朋友傾偈)，有呢個環境同景色，窗口位有海景睇。仲有基本嘢，跟餐有餐飲，咖啡，涷檸茶，等等。

好耐無去鯉景灣，今次專登放假約朋友出嚟chill下。喺食飯前，行下海濱長廊，之後先再行返入睇下去邊間餐廳食。此行打算食西式嘢，咁鯉景灣都有好多選擇，而且餐牌同價錢都差唔多。最終入咗呢間，純粹係感覺主導。午飯套餐都有大概10款主菜可以揀，價錢都係$140至$200，包括餐湯、頭盆(沙律、蒜蓉多士,、水果之類)、甜品同飲品。如果唔要主菜就$118，餐湯、頭盆、甜品同飲品都可以無限次添加，絕對抵食。我同朋友都揀咗西冷牛扒配薯條作為主菜，'貪有即炸薯條食。牛扒份量同味道正常，不過七成熟係做唔倒。煮過龍，有啲韌。反而薯條係我鍾意嘅幼身薯條、炸得極脆之餘裹面仍有一絲薯蓉嘅口感，即時灑上黑椒，味道更正。可惜主菜係無得encore嘅。雖然我哋每樣都係食一轉，但都夠飽。做人夠就算，唔好人哋出錢(食物)，你出命。頭盆 (二人份)是日餐湯 (雜菜湯)西冷扒拼薯條甜品 (二人份)餐飲 (咖啡)

還記得早前的「驚喜小發現」 - Wildfire，令我一試難望，今天心思思，約朋友再戰一次，試試上次想試而未試的東西，再慢慢品嚐一下其「味道」及「環境」。吸收上次經驗，今次我們少點一個漢堡(因上次覺得很美味，所以今次也要再次點算，不過不會叫兩份了！)，盡量多點一些不飽肚的餐點，這樣可以多試幾款美食呢！《水牛城雞翼(6隻) 》($68)先說賣相，已相當吸引，走型格路線。而雞翼亦是大碼雞翼，上菜已溫度十足，即炸即上，醃料十分惹味，外皮炸得十分香脆，但內裡仍保持肉汁豐富。雖然雞翼已用醃料醃過，但隨餐仍附上醬料，白色那個醬料不得了！是芝士醬，濃濃的芝士味，超級吸引，必點之選。雖失分的是那配菜的西芹，略有點乾，不太新鮮，故失了點分。　《印度天多利雞薄餅(12")》($108)連鎖薄餅店的薄餅就吃得多，口味大同小異。但這裡的薄餅口味，除了有經典款式外，亦有其他少見的款式，今次我們就點了《印度天多利雞薄餅(12")》試試。這店的薄餅餅底是薄脆底，配了料了充滿著印度風味的口味，那調味很特別，很有印度香料的風味。配料中有數塊檸檬角在上面，起初以為會好酸，但原來這些檸檬角除了沒有酸的感覺，更提升了薄餅的香

最近常吃中餐，今天來到西灣河，想找一點西式餐點平衡一下自己。漫無目的地走到鯉景灣附近，就讓我發現這間西式食店 - Wildfire。《汽水 - Coke Zero & Ginger Ale》($28/杯)這裡的汽水有很多選擇，有Coke Zero照顧不想喝糖的人，也有外面較少有的Ginger Ale以供選擇。Ginger Ale是一種有薑味的汽水，比較特別，最適合這些喜歡新嘗試的我。其實這裡還有薑啤可以選擇，但由於我不太好有酒味的東西，所以有薑味汽水，我已很滿足呢！我們一看餐牌，就覺得很吸引，就被那《安格斯牛肉漢堡(8oz)》吸引著，所以，我們二話不説，就點了兩份了！然後再看看有沒有其它東西想點吧！《安格斯牛肉漢堡(8oz)》($99)幸好我們心大心細花了很多時間還未點其他小食，原來這份《安格斯牛肉漢堡(8oz)》的分量真的不小，我還以為像連鎖快餐點的渶堡般，最多塊肉靚少少，厚少少吧！結果，一上菜時，才知比預期中大份，連薯條也比預期多。那牛肉漢堡扒的肉汁十分豐富，不過略為「原汁原味」，但如果自行加少許鹽，立即把味道提升另一層次（也許我是一個重口味的人吧！）。至於薯條，起初來的時候，有點

最後一晚可以堂食，拿拿聲出去食飯。。。唔知今次要困幾耐希望疫情快點過去，大家身體健康啦個2人餐好吸引wor！298 for 2,好抵wor😛 我地1行4人，分2張檯，坐隔離佢地果邊冷氣嘛嘛地，有d焗，係會流汗的那種。。我同朋友都覺得有d熱，anyway 叫杯啤酒先芒果沙律，幾好，d調味料唔會多到浸住d菜，酸酸地咁湯就系tomato soup, 配toast，雖然個toast有d油膩，但幾好叫多左個calamari，脆口得黎，調味OK，送啤酒一流，不過有d油。。。但食得呢d，就預左啦好，我地4個人，1張檯叫左1個pizza，1塊牛排另一張檯就叫左1塊牛排，1塊豬排做主菜中間發生左小插曲，上菜時，侍應就將2塊牛排 講成一豬一牛，到切開先發覺係2塊牛排了咁另一張檯就唔想要塊豬排啦，咁就喺好唔情願＋一句唔好意思/解析都無嘅情況下俾過塊牛排我地啦講返d食物Pizza 一如既往地好，新鮮出爐，仲有得拉絲添牛排唔錯，有肉味，薯條剛炸起加10蚊有飲品（奶茶，檸茶，咖啡），不過不失啦後來埋單時就發覺，條數唔啱，原來將飲品用正價計（唔係用餐果個價）咁加左上去。。。後來void單再計過大家真係要記得chec

港島東其中一個可以夜晚休閒嘅地方就係蘇豪東，位於鯉景灣海旁，食飯之餘可以欣賞海景。餐廳有一個寧靜嘅角落，外面仲有零零丁丁一張二人戶外枱，眼見有拖住狗狗嘅朋友都係呢度食飯，覺得好特別。叫咗一杯有酒精嘅薑啤，味道唔錯，而且我都幾impressed佢係用凍嘅杯上水牛城雞翼炸得好香，辣汁分開上，適合一枱上面有食辣同唔食辣嘅朋友，唯一係西芹唔係好新鮮，影響觀感。呢度蒜蓉蝦好吸引，甚至令我回想起響葡萄牙嘅海鮮店嘅味道。蝦好大隻，煎得好靚，賣相亦好靚，有少少辣同香煙燻火腿餡角薄餅，餅皮吼得很香，但因為入面充足水份的餡料，即使外面脆，餅皮依然保持得很軟熟，餡料包括有菠菜芝士煙燻火腿及蘑菇，芝士很香，味道不算濃郁，適合喜歡清淡口味的朋友。疏乎厘要預先15分鐘叫，質感味道都很好，而且放了一陣也沒有立即下陷，味道不是太獨特，但也屬不錯。

我幾鍾意去蘇豪東食飯，一來比較少人，二來環境又唔錯，今次揀左wildfire，因為好想食pizza🤤餐廳主打即叫即做薄餅，分別有羅馬鬆脆餅底薄餅、拿波里風格薄餅底薄餅、餡角薄餅等等，以明火烤焗，配料豐富，所以一定要試下－－－－－－1. 小食拼盤 $229 7/10拼盤有脆炸魷魚、煙三文魚、水牛城雞翼、墨西哥烤餅、炸美國波浪薯條，我覺得呢個價錢就有點貴，雖然有五款小食，但份量唔算多，可能夠2-3人分享，味道正常，魷魚脆口，調味都足夠2. 蒜香海蝦帶子薄餅 $179 8/10薄餅餡料有海蝦、帶子、燈籠椒、橄欖、鮮牛油果醬、芝士、番茄，非常足料同埋味道好豐富😋pizza烘得香脆，邊位有少少微焦，整體唔錯不過店員服務真係有待改善，不論係落單、加水、埋單都多次舉手示意，店員都係冇反應，要專登去搵佢先有反應，呢點有點失望

西灣河海邊是著名的美食點，限聚令今天放寬，一於同朋友出去走走。見Wild Fire 還有一張枱，不用等，便立即入去。其實等位也無所謂，因可望著上面的靚景。餐廳有很多菜式供選擇，如薄餅丶意粉或扒。我們兩個人不太肚餓，叫了一個巴馬火腿薄餅（$169-）及波士頓龍蝦蜆殻粉（$199-），由於剛Happy Hours，只叫了一枝有氣礦泉水。Pizza 先上，分佈均勻的Parma Ham 和火箭菜，樣子吸引。上枱已聞到很香，薄餅吸落脆脆的，中心卻煙靭，正宗意大利滋咪。加埋濃郁的茄醬及芝，好味。👍🏻👍🏻👍🏻龍蝦蜆殻粉樣子也唔錯，龍蝦汁很濃，蜆殻粉煑得啱啱好，不會太淋。粉內藴藏了龍蝦汁，加埋龍蝦肉，十分之好味。Yummy ! 😋😋😋