Video
Read full review
2023-04-13
2681 views
📌 德美壽司 (德民街) - 紅磡黃埔新村德民街31號地下1B號舖🗓(13/4) 星期四 ⏰ 晚上7點左右 💈特式：今日另一半生日，佢想食日本野，又唔想去太遠，所以就揀左黃埔呢間德美壽司，佢香港總共有5間分店都係位於九龍及新界區。🥩🍔🌭🌮🥗🥯🥘🍲🍝🍣🥟🍤🍱食物：既然係日式料理，所以餐廳都係以提供刺身/壽司/爐端燒/天婦羅/鍋物/串燒為主，另外仲有十多款經濟d嘅dinner set。因為今日係慶祝，所以就散叫左一個秋冬二人前套餐(😓不過而家已經係春天)，一份刺身盛合同一些串燒，而家等我同大家講下🎌味道先。精選二人餐 - 秋冬二人前套餐有兩款選擇，價錢就唔差得好遠，我就揀左呢個，因為d內容啱食d。個餐包括日式前菜/枝豆/和風沙律/三文魚刺身/野菜牛肉鍋/什錦天婦羅/鹽燒鯖魚/日式炒飯/大蜆味噌湯/甜品，種類真係好多，份量亦都唔少，都只係$338蚊，真心覺得算係抵食。當中我最推介係個前菜，野菜牛肉鍋同雜錦天婦羅。極上刺身拼盤 - 拼盤入面有吞拿魚腩/油甘魚/赤貝/帆立貝/海膽/牡丹蝦/白身魚薄切，呢個係最貴個set拼盤，賣$488蚊有少少貴，其實佢個質素係對得住個價錢，但拍埋個套餐度
🗓(13/4) 星期四 ⏰ 晚上7點左右
💈特式：今日另一半生日，佢想食日本野，又唔想去太遠，所以就揀左黃埔呢間德美壽司，佢香港總共有5間分店都係位於九龍及新界區。
🥩🍔🌭🌮🥗🥯🥘🍲🍝🍣🥟🍤🍱
食物：既然係日式料理，所以餐廳都係以提供刺身/壽司/爐端燒/天婦羅/鍋物/串燒為主，另外仲有十多款經濟d嘅dinner set。因為今日係慶祝，所以就散叫左一個秋冬二人前套餐(😓不過而家已經係春天)，一份刺身盛合同一些串燒，而家等我同大家講下🎌味道先。
精選二人餐 - 秋冬二人前套餐有兩款選擇，價錢就唔差得好遠，我就揀左呢個，因為d內容啱食d。個餐包括日式前菜/枝豆/和風沙律/三文魚刺身/野菜牛肉鍋/什錦天婦羅/鹽燒鯖魚/日式炒飯/大蜆味噌湯/甜品，種類真係好多，份量亦都唔少，都只係$338蚊，真心覺得算係抵食。當中我最推介係個前菜，野菜牛肉鍋同雜錦天婦羅。
極上刺身拼盤 - 拼盤入面有吞拿魚腩/油甘魚/赤貝/帆立貝/海膽/牡丹蝦/白身魚薄切，呢個係最貴個set拼盤，賣$488蚊有少少貴，其實佢個質素係對得住個價錢，但拍埋個套餐度就好似無咁抵食了。不過佢每款刺身都好新鮮呢個係事實，除左海膽嘅明礬味太重同個玉子燒太甜之外，其他都好出色。
串燒 - 另外串燒仲叫左七味燒雞腎/牛舌/牛油燒帶子/雞心/雞軟骨，價錢就由22~42蚊不等，質素就一般，牛舌同雞心係當中最好食。
☕️🍵🥤🧋🍺🍷🥃🍹🧉🍾🍶🥛
飲品 : 餐廳主力都係飲酒，尤其是清酒，但我地就只係叫左一杯Sapporo同一杯水蜜桃梳打。
🍽環境：餐廳環境好靚，門面有佈置日式紅燈籠，仲做左仿瓦片門面，成間餐廳內外都係走木系風格，好有日本feel，坐位除左普通枱，仲設有吧枱同榻榻米房間，坐位鬆動闊落，環境衛生，光猛企理。
🤵🏻🤵🏻♀️🤵🏻♂️服務：店員服務都好好，食物就係用QR Code落單，但飲品就係通知店員幫手落單的，職員上菜同收碟時都好有禮貌，食到最尾叫得太多野食唔落個炒飯，職員都會主動問有無需要幫手打包。
💰💸價錢：埋單就大約$1150蚊，對返同樣散叫日本料理，佢比到呢個質素，算係合理價格，但佢嘅套餐同dinner set就可以算係抵食。
🐲💬總結：我覺得佢地食物質素係唔錯，不過有某一兩款仲有進步嘅空間，下次反而想試一試佢地嘅dinner set，我見價錢大多都係$100蚊樓下，認真抵食。
推薦指數：❤️❤️❤️❤️🤍
極上刺身拼盤
$488
75 views
0 likes
0 comments
極上刺身拼盤
$488
50 views
0 likes
0 comments
42 views
0 likes
0 comments
27 views
0 likes
0 comments
19 views
0 likes
0 comments
17 views
0 likes
0 comments
10 views
0 likes
0 comments
Post
