南豐餐廳小廚

Open Now

Now Closed

嚟到街坊茶記食早餐，叫咗個鮮奶蛋白麥皮同埋蛋牛治，鮮奶蛋白麥皮無糖，可以自己加糖，方便自己控制糖嘅份量，呢樣唔錯。然後蛋牛治嘅蛋炒得好滑，而且有半山熟嘅感覺，食落有油香，鹹牛肉都炒得好嫩滑，個蛋牛治都幾高質。而且跟餐仲送咗杯檸檬水，杯檸檬水又冇帶苦味，因為慣咗唔落糖，所以好怕苦味，但係佢就有好濃檸檬香味。而且侍應做嘢好快，一入到去已經即刻問你食咩，落左單之後唔使5分鐘已經即刻想到碗麥皮，啱晒趕時間嘅打工仔，而且呢間茶記嘅衛生都唔錯，見佢地下都幾乾淨，啲碗碗碟碟都無污糟，今次食呢個早餐都用咗$35 ，我覺得都算係可接受嘅價錢，下次有機會會再試吓另一啲早餐款式。