Miss Saigon Vietnamese Cuisine (Closed)

其實今次已經係第二次黎食 本身都幾鍾意越南菜 但今次去感覺比上次差左好多逐樣野講下先啦入面環境係唔錯 掛左燈籠都幾精緻跟著到食物啦 每個餐都有個小食送 我就揀左斑蘭包雞 用斑蘭葉包住隻雞落去炸 香料味幾重 味道唔錯 但有d油膩跟著主菜黎啦 係香茅豬排金邊粉 賣相睇落唔錯 豬排都幾香 但一食落就發覺 咦 個湯無味嘅 水黎架喎 雖然每張枱上都有樽酸辣油 但根據我上次黎 樽野應該係用黎撈檬 湯底應該係有味 但無計啦 今次都唯有用黎撈檬 最後一點必須講 就係服務態度好差 個男侍應/經理答問題口氣極差 仲要一見我地食完（未飲野）就即刻叫我地埋車 真係心諗：冇野掛你😤