牛涮鍋 (Closed)

※本文以用餐當日的環境、服務和食物質素為準，口味亦因人而異，文章只作參考之用。-一係唔打，一係就一星期打成三次邊爐! 今晚去開荃廣一田拎行李箱，順便去左牛涮鍋食晚餐。原來牛涮鍋推出左期間限定既「米國見島特選和牛」，90分鐘任食特選和牛，仲有新出既紅菜頭羅宋湯底同法式洋蔥牛似清湯，聽落又幾特別!適逢世界杯狂熱，餐廳環境都有掛上球衣裝飾，食火鍋加$69仲可以換到迷你足球一個。湯底方面小妹揀左羅宋湯底同甜醬油湯，羅宋湯個款飲落仲見到牛肉粒架，味道酸酸甜甜幾開胃，不過配牛肉至愛都係甜醬油，會令人食唔停口。自行出去拎火鍋配料、甜品同雪糕等，佢地既芝士南瓜魚腐，每次黎必定食好多舊。米國見島特選和牛放題 $288/位米國（美國）和牛，望落顏色鮮紅頗新鮮，紋理均勻，食落雖未至於質感幼嫩個種，但係牛味就非常明顯，我倆都覺得相當唔錯。