天丼 (Moved) New Location

天丼係天婦羅專門店，佢有幾間分店，今日我去左yoho mall既分店。佢啲天婦羅set通常跟飯或烏冬或蕎麥麵（冷／熱），套餐通常跟碗麵豉湯。佢價位唔算太貴，around $70-90一個set。🔶️滑蛋天婦羅海老丼 ($75，7.5 /10)有三隻天婦羅虎蝦，都大隻。但首先蝦肉質唔彈牙，炸粉又太多，炸得又唔夠脆。另外，滑蛋丼既滑蛋應該要半生熟有濕潤感拌飯先好食，但呢碗隻蛋太熟亦都唔滑。讚既只係個配菜洋蔥好入味。麫豉湯好普通。地方環境都光猛舒服，行平民食堂路線。價錢唔買，但食物質素一般。