Video
Read full review
2019-03-15
315 views
今日同一班朋友去咗元朗正記食晚飯，有一段時間無食過，估唔到啲質素差得咁緊要，真係好難食！唔知係咪廚房換咗班底，以前星期五晚都會坐滿人，依家剩返好多吉位，原來係有原因。先講招牌蜜汁牛柳粒，真係唔想放入口，同以前爭好遠，薯仔硬又唔入味，牛柳粒韌到以為食緊擦膠。第二碟鹹魚蓮藕餅，唔講嘅話以為自己食緊煎肉餅，如果佢係叫煎肉餅的話，我會接受到，事關真係完全無鹹魚味，蓮藕我都唔係幾食得到。然後到椒鹽豆腐，唔似新鮮炸起炒起，感覺似翻炸，豆腐唔滑，皮唔脆。小炒王，簡直係垃圾，史上最難食嘅一碟餸，濕身濕到個底勁多汁同油，而且仲要係辣嘅，不知所謂，索性叫辣油浸腰果韭菜算啦！西蘭花炒豬頸肉同蠔仔粥就叫做正常啲，食得落口嘅！算係清泉食物！我諗短期內都唔會再幫襯
先講招牌蜜汁牛柳粒，真係唔想放入口，同以前爭好遠，薯仔硬又唔入味，牛柳粒韌到以為食緊擦膠。
第二碟鹹魚蓮藕餅，唔講嘅話以為自己食緊煎肉餅，如果佢係叫煎肉餅的話，我會接受到，事關真係完全無鹹魚味，蓮藕我都唔係幾食得到。
然後到椒鹽豆腐，唔似新鮮炸起炒起，感覺似翻炸，豆腐唔滑，皮唔脆。
小炒王，簡直係垃圾，史上最難食嘅一碟餸，濕身濕到個底勁多汁同油，而且仲要係辣嘅，不知所謂，索性叫辣油浸腰果韭菜算啦！
西蘭花炒豬頸肉同蠔仔粥就叫做正常啲，食得落口嘅！算係清泉食物！
我諗短期內都唔會再幫襯
Post
