Video
Read full review
2022-09-22
910 views
呢間點心舖總店喺新蒲崗，而家炮台山呢間啱啱開咗冇耐，喺星期日下午茶時間嚟醫肚，睇下有冇伏。嗌咗6款點心加個燉湯，蝦餃算收貨，個皮有咬口，但略為蒸得太耐，變到透晒明，蝦都算爽口濕潤，不過包得太大舊，唔夠精緻，好易同隔離嗰舊黐埋，整穿啲皮。蝦腸已經預先裁剪咗，夾上手有啲散，腸粉皮合格，不過蝦肉唔係原隻，放入口散散收收咁。小籠包個皮太厚，但優點係冇咁易穿，保護到裡面啲湯汁，整體嚟講係抵食，咁嘅價我唔會對佢太挑剔。糯米飯煙韌亦好爽身，臘味都幾足料，呢個價位相當滿意。鐵板棉花雞用錫紙包住，有防止倒汗水嘅效果，魚肚同滑雞好入味，份量還可以，值得推介。比較失色係個燒賣，黑松露完全畫蛇添足，建議拎走佢，收返街坊點心價錢好過。試咗螺片燉雞湯，叫做幾足料，湯濃郁，唔太油，對得住價錢。總結：同區餐廳林立，不過除咗酒樓，似樣嘅點心舖唔太多，呢間其實整體質素唔太差，環境都企理，如果係街坊，或者喺附近做嘢，嚟試下新嘢都唔錯。
嗌咗6款點心加個燉湯，蝦餃算收貨，個皮有咬口，但略為蒸得太耐，變到透晒明，蝦都算爽口濕潤，不過包得太大舊，唔夠精緻，好易同隔離嗰舊黐埋，整穿啲皮。
蝦腸已經預先裁剪咗，夾上手有啲散，腸粉皮合格，不過蝦肉唔係原隻，放入口散散收收咁。
小籠包個皮太厚，但優點係冇咁易穿，保護到裡面啲湯汁，整體嚟講係抵食，咁嘅價我唔會對佢太挑剔。
糯米飯煙韌亦好爽身，臘味都幾足料，呢個價位相當滿意。
鐵板棉花雞用錫紙包住，有防止倒汗水嘅效果，魚肚同滑雞好入味，份量還可以，值得推介。
比較失色係個燒賣，黑松露完全畫蛇添足，建議拎走佢，收返街坊點心價錢好過。
試咗螺片燉雞湯，叫做幾足料，湯濃郁，唔太油，對得住價錢。
總結：同區餐廳林立，不過除咗酒樓，似樣嘅點心舖唔太多，呢間其實整體質素唔太差，環境都企理，如果係街坊，或者喺附近做嘢，嚟試下新嘢都唔錯。
Post
