聚點 (Closed)

尖沙咀係傳統遊客區，舖頭係好多，但一睇個價，我就知我唔係佢地既target customer。黎呢區食飯，呢間真係叫做可以放心食，唔駛就住就住個荷包。西蘭花炒帶子，帶子夠大大粒，有嚼口。有驚善的是一碟都好多粒吓。聚香雞很嫩滑，加少少隨碟上的醬油，即時變出三種口味。我就比較鐘意中間的口水醬，即時變左口水雞，很惹味。其實我唔係咁鐘意食鯇魚，也都被這煲薑蔥豆卜鯇魚煲的蔥爆味吸引，我估計上枱前應該加左蓋焗左一陣才有這效果。黃金蝦好多地方都有，金沙鮮尤也是源出一徹。因有咸蛋黃成份，經過油炸是很香口的。