牧羊少年咖啡館 (The LOHAS康城)

Open Now

Now Closed

今晚同同事食新春開年飯，新年假期日日食中菜，今日食吓西餐，呢度裝修環境都唔錯，行文青路線，感覺舒適。有個二人餐$428幾抵食， $500有找有齊小食，兩個主菜，飲品同甜品。照燒汁煎乾蒜美國牛柳粒$88小食有多款選擇，我哋揀咗呢款照燒汁煎乾蒜美國牛柳粒，牛柳粒煎得香口，配埋乾蒜超惹味，牛柳粒軟腍腍，好吃，而且份量不少。紅酒燴牛面肉伴薯蓉烤澳洲西蘭花 $188身為牛魔王嘅我哋，主菜都同樣揀咗牛肉，呢款牛面肉好大件，牛味都幾香，好腍，連埋啲好腍嘅牛筋一齊食，有啲似食牛腩feel，但比牛腩嫩滑，配埋紅酒汁好入味，薯蓉香滑。蝦頭油鳳尾蝦香辣肉碎意大利粉$118意大利粉炒得好香，質地口感彈牙，鳳尾蝦爽口彈牙啖啖肉，肉碎鮮菇粒微辣，好惹味。飲品旭日由蘋果香橙同埋紅蘿蔔汁打成，健康冇負擔，仲可以叫走冰，味道清爽香甜。牛奶可可朱古力可可味道香濃，加上忌廉，口感香滑。甜品係兩杯Häagen-Dazs雪糕，可以加少少錢升級其他甜品。我哋都好飽，所以就冇升級，食呢個Häagen-Dazs雪糕都好滿足。