點籽冰室 (Closed)

今晚返咗屋企搵爸爸同媽咪食飯，不過因為落雨所以屋企人都冇買餸，落雨濕濕都費事周圍去，我哋就去咗呢間冰室食嘢。😍點籽小炒王想叫啲鑊氣小炒，爸爸就揀咗呢一個點籽小炒王，小炒王都幾豐富，入面主要會有韭菜，煙鴨胸，餐肉，魷魚，鑊氣十足。🤩冰室富豪炒飯爸爸最鍾意就係食炒飯，佢就揀咗呢一個富豪炒飯，果然係好似富豪一樣夠晒豐富，入面會有鮑魚，珍珠帶子，蝦球，瑤柱。呢啲食材嘅質素都唔錯，爸爸大讚鮑魚好煙韌，仲有蝦球都好彈牙。😋羅勒肉醬意粉媽咪就揀咗呢一個好香嘅肉醬意粉，肉醬份量，啱啱好唔會太少，足夠撈勻晒每一條意粉。🥰啖啖肉無骨海南雞海南雞嘅質素都好好，估唔到佢哋係咁嫩滑，另一個好鍾意嘅原因係因為已經去咗骨，真係食到啖啖肉。