Involtini Italian Cuisine

Open Now

Now Closed

係去年嘅七月男朋友同朋友食咗一次，佢知道我鍾意食Carbonara，話一定要帶我去食一次，終於book到，仲要係早兩個月先book到星期六嘅夜晚，講返男朋友食嘅評價係好高，不論賣相同口感味道都好高評價。直至琴晚只評論Carbonara同紅蝦意粉—————————————————————1. 呢張咁靚仔嘅Carbonara就係我男朋友舊年食嘅呢張就係琴晚食嘅，從賣相方面就知道差得遠，廚師嘅自我要求都十分之低，咁都可以出到餐。煙肉粒十分之少，味道偏喊無蛋香味，$168嘅意粉個廚師竟然係大鑊煮，一次過整咗四碟意粉，可想言之出嚟嘅效果味道一定無逐碟煮嘅好味，同埋係用失望黎形容，俾人好求其嘅感覺。2. 紅蝦意粉 去年食男朋友話呢個紅蝦意粉係必食之一，話價錢偏貴但一定要試。好似轉左煮法，呢個意粉都係令我男朋友好失望，蝦肉過份烹調，冇咗彈牙嘅感覺，意粉好似未煮熟咁，多汁偏喊。成餐晚飯用失望形容，希望可以改善返個質素保持返穩定。同埋賣相好重要‼️如果佢係$100嘅意粉我唔會咁多要求，基於佢係米芝蓮餐廳，期望值同質素係必須要有。