彤粵菜小館 (Closed)

搵一間好食中菜真係好難，伏唔係個個都想中。朋友食過對呢間餐廳好評如潮，讚不絕口。首先餐廳環境精緻，令人坐得舒服又享受環境。 小食選擇左黃金炸魚皮，每一塊魚皮都比鹹蛋黃包住，食落響脆聲音，好脆而且魚皮一D都唔魚腥味。加上魚皮小小鹹配合，整體係非常好味。其次係蟹肉粉絲煲，個蟹肉粉絲煲最大賣點係雪白的蟹肉，入口鮮甜美味；粉絲吸盡蟹汁，也是亮點之一，加上小量醋，鮮甜滿分。仲有蝦籽葱燒金玉參 ，蝦子大海參以其營養豐富、柔軟，肥腴不膩的口感酷似紅燒蹄筋，加上燜時間足夠，令到海參入口即溶。最後鳳梨咕嚕肉，咕嚕肉整得好食好難，因為菠蘿果酸會影響咕嚕肉整體。呢個咕嚕肉酸甜度掌握得非常好，而且炸得非常香口而且肉質非常彈牙加埋個醬汁，真係回味無窮。總言之呢個中菜下次可以再來。